جامبىل وبلىسىنىڭ ت. رىسقۇلوۆ اۋدانىندا مەكتەپتٸ كٷردەلٸ جٶندەۋ كەزٸندە بيۋدجەت قاراجاتىنىڭ زاڭسىز جۇمسالۋ فاكتٸلەرٸ انىقتالدى, دەپ حابارلايدى dalanews.kz.
اۋدان پروكۋراتۋراسى جٷرگٸزگەن تالداۋ بارىسىندا قانىش سەتباەۆ اتىنداعى ورتا مەكتەپتٸ جٶندەۋ جۇمىستارى تولىق ورىندالماعانىنا قاراماستان, مەردٸگەر ۇيىمعا 78 ميلليون تەڭگەدەن استام قاراجات نەگٸزسٸز تٶلەنگەنٸ بەلگٸلٸ بولدى.
پروكۋرورلىق قاداعالاۋ اكتٸسٸنٸڭ نەتيجەسٸندە اتالعان قاراجات تولىق كٶلەمدە بيۋدجەتكە قايتارىلدى.
سونىمەن قاتار اۋداندىق بٸلٸم بٶلٸمٸ, مەردٸگەر ۇيىم, سونداي-اق اۆتورلىق جەنە تەحنيكالىق قاداعالاۋدى جٷزەگە اسىرعان تۇلعالار ەكٸمشٸلٸك جاۋاپكەرشٸلٸككە تارتىلدى. ولارعا جالپى سوماسى 1,4 ميلليون تەڭگە ايىپپۇل سالىنعان.
پروكۋراتۋرا مەلٸمەتٸنشە, قابىلدانعان شارالاردان كەيٸن مەردٸگەر ۇيىم قۇرىلىس جۇمىستارىن تولىق اياقتاپ, مەكتەپ پايدالانۋعا بەرٸلگەن.
