Jambyl oblysynyń T. Rysqulov aýdanynda mektepti kúrdeli jóndeý kezinde biýdjet qarajatynyń zańsyz jumsalý faktileri anyqtaldy, dep habarlaidy dalanews.kz.
Aýdan prokýratýrasy júrgizgen taldaý barysynda Qanysh Sátbaev atyndaǵy orta mektepti jóndeý jumystary tolyq oryndalmaǵanyna qaramastan, merdiger uiymǵa 78 million teńgeden astam qarajat negizsiz tólengeni belgili boldy.
Prokýrorlyq qadaǵalaý aktisiniń nátijesinde atalǵan qarajat tolyq kólemde biýdjetke qaitaryldy.
Sonymen qatar aýdandyq bilim bólimi, merdiger uiym, sondai-aq avtorlyq jáne tehnikalyq qadaǵalaýdy júzege asyrǵan tulǵalar ákimshilik jaýapkershilikke tartyldy. Olarǵa jalpy somasy 1,4 million teńge aiyppul salynǵan.
Prokýratýra málimetinshe, qabyldanǵan sharalardan keiin merdiger uiym qurylys jumystaryn tolyq aiaqtap, mektep paidalanýǵa berilgen.
