Ulttyq hokkei ligasy (NHL) draftynyń ekinshi kúni Býffalo qalasynda bastaldy. Drafttyń alǵashqy kúni klýbtar 32 oiynshyny tańdaǵan bolatyn, dep habarlaidy dalanews.kz.
New York Rangers klýby Danai Shaiikovti jalpy 67-nómirmen qaqpashy retinde tańdady. Ol – Almaty hokkei mektebiniń túlegi.
Ótken maýsymda 19 jastaǵy qaqpashy Gatineau Olympiques sapynda Quebec Maritimes Junior Hockey League turaqty chempionatynda 50 match ótkizdi. Onyń qaitarylǵan soqqylar kórsetkishi – 90,3%, al senimdilik koeffitsienti – 2,78.
Sondai-aq, hokkeishi Qazaqstan jastar quramasynyń sapynda PSK Cup halyqaralyq jastar týrnirine qatysty. Danai Shaiikov eki match ótkizip, soqqylardy qaitarý kórsetkishin 91,4%, al senimdilik koeffitsientin 3,07 deńgeiinde tirkedi.
Eske salaiyq, NHL draftynyń qorytyndy reitinginde qazaqstandyq úsh hokkeishi – Semion Simonov, Álisher Sarkenov jáne Kornei Korneev de bar.
