Ұлттық хоккей лигасы (NHL) драфтының екінші күні Буффало қаласында басталды. Драфттың алғашқы күні клубтар 32 ойыншыны таңдаған болатын, деп хабарлайды dalanews.kz.
New York Rangers клубы Данай Шайиковті жалпы 67-нөмірмен қақпашы ретінде таңдады. Ол – Алматы хоккей мектебінің түлегі.
Өткен маусымда 19 жастағы қақпашы Gatineau Olympiques сапында Quebec Maritimes Junior Hockey League тұрақты чемпионатында 50 матч өткізді. Оның қайтарылған соққылар көрсеткіші – 90,3%, ал сенімділік коэффициенті – 2,78.
Сондай-ақ, хоккейші Қазақстан жастар құрамасының сапында PSK Cup халықаралық жастар турниріне қатысты. Данай Шайиков екі матч өткізіп, соққыларды қайтару көрсеткішін 91,4%, ал сенімділік коэффициентін 3,07 деңгейінде тіркеді.
Еске салайық, NHL драфтының қорытынды рейтингінде қазақстандық үш хоккейші – Семён Симонов, Әлішер Саркенов және Корней Корнеев де бар.
