Búgin Kentaý qalasyna Qazaqstan Respýblikasy Prezidentiniń keńesshisi- Halyqaralyq ekologiialyq yntymaqtastyq jónindegi arnaýly ókili Zúlfiia Súleimenova jumys saparymen keldi,- dep habarlaidy Dalanews.kz
Sapar aiasynda oblys ákiminiń orynbasary Ertai Altaevpen birge qala aýmaǵyndaǵy erekshe qorǵalatyn tabiǵi aýmaq – «Qarataý» qoryǵyna baryp, tynys-tirshiligimen jan-jaqty tanysty. Qoryq qyzmetkerleri atqarylyp jatqan jumystar jaiyn baiandap, óńirdiń bioalýandylyǵy men qorǵaýǵa alynǵan tabiǵi bailyqtary týraly málimetter usyndy.
Qoryqta 1221 ósimdiktiń túri ósedi, onyń 59-y – Qyzyl kitapqa engen. Al qustardyń 127 túri kezdesse, Qyzyl kitapqa onyń 12-si engizilgen. Sondai-aq omyrtqasyzdardyń – 1345 túri bar, onyń 16-sy Qyzyl kitapqa engen. Elimizdegi arqardyń 5 túriniń biri – Qarataý arqary dál osy aimaqta mekendeidi.
Zúlfiia Bolatqyzy Memleket basshysynyń tapsyrmasyna sáikes, bioártúrlilikti saqtaý – ulttyq mańyzy bar mindet ekenin atap ótti. Sonymen qatar Halyqaralyq bioártúrlilikti qorǵaý qory qurylyp jatqanyn jetkizdi. Bul bastama qoryqtardyń qyzmetin kúsheitýge jáne ekotýrizmdi damytýǵa tyń serpin beredi.
Qonaqtar sondai-aq qoryqtaǵy tarihi oryn – «Han taǵy» bóligine baryp, qoryqta jaiǵasqan tabiǵatty tamashalady. Odan bólek, zerthana jumysymen tanysyp, qoryq qyzmetkerlerimen tildesti. Munda sirek kezdesetin jándikter saqtalyp, ǵylymi zertteýler júrgiziledi.
Sondai-aq Prezident keńesshisi Túrkistan qalasyndaǵy «Jastar saiabaǵy» men «Syrdariia-Túrkistan» memlekettik óńirlik tabiǵi parkine arnaiy baryp, atqarylyp jatqan jumystarymen tanysty.
