Avtokólik nesiesine qatysty alaiaqtyq isi boiynsha izdeýde júrgen azamat Mysyrdan Qazaqstanǵa ekstraditsiialandy, dep habarlaidy Dalanews.kz.
“Qazaqstan IIM Interpolynyń Ulttyq ortalyq biýrosynyń suranysy boiynsha Mysyr astanasy Kairda halyqaralyq izdeýde júrgen Qazaqstan azamaty ustaldy. Qamaýǵa alynǵan soń, ol qylmystyq politsiia qyzmetkerlerimen Shymkent qalasyna jetkizildi”, – delingen juma kúni taratylǵan resmi habarlamada.
Quqyq qorǵaý organdarynyń málimetinshe, 2023 jyly atalǵan azamat bir top adammen aldyn ala sóz bailasyp, ózge azamattardyń atyna avtonesieler rásimdep, keiin sol kólikterdi úshinshi tulǵalarǵa satyp jibergen.
“Bul is boiynsha politsiiaǵa 105 azamat aryzdanǵan. Keltirilgen jalpy materialdyq shyǵyn kólemi 1,5 mlrd teńgeden asty. Kúdiktige Qylmystyq kodekstiń birneshe baby boiynsha is qozǵaldy: 190-baptyń 4-bóligi – asa iri kólemdegi alaiaqtyq; 262-baptyń 1-bóligi – uiymdasqan qylmystyq top qurý jáne oǵan basshylyq etý, sondai-aq oǵan qatysý; 217-baptyń 1-bóligi – qarjy (investitsiialyq) piramidasyn qurý jáne oǵan jetekshilik etý. Qazirgi tańda tergeý jalǵasyp jatyr”, – dep naqtylady IIM.
