Elimizde 2027 jyldan bastap densaýlyq saqtaý salasyn qarjylandyrýdyń saqtandyrý modeline kóshý bastalady. Bul týraly "Áleýmettik meditsinalyq saqtandyrý qory" KEAQ Túrkistan oblysy boiynsha filial direktory Baqyt Ismahanbetov málimdedi,- dep habarlaidy Dalanews.kz
"Bul modeldiń ereksheligi – qyzmetterdiń basym bóligi azamattar, jumys berýshiler jáne memlekettiń jarnalary men aýdarymdary esebinen qarjylandyrylatyn bolady: 65% – MÁMS júiesi arqyly, 35% – respýblikalyq biýdjet esebinen. Maqsat – halyqtyń 90%-yn MÁMS júiesimen qamtý jáne júieniń qarjylyq turaqtylyǵyn qamtamasyz etý. Keler jyldan Biryńǵai meditsinalyq kómek paketi engiziledi. Qazirgi tańda oblystaǵy turǵyndardyń 83,1%-y MÁMS júiesimen qamtylǵan. Saqtandyrylǵan mártebe 6 ai boiy saqtalady. Endi MÁMS júiesine keminde 5 jyl turaqty jarna tólegen azamattar tólemdi ýaqytsha toqtatqan kúnniń ózinde 6 ai boiy saqtandyrylǵan mártebesin saqtap qalady",- dedi sala basshysy.
