Eńbek jáne áleýmettik áriptestik departamenti basqarmasynyń basshysy Shalqar Orazbekov búgin OKQ-ta ótken brıfıń barysynda kásiporyndar 4 kúndik jumys aptasyna kóshken jaǵdaıda ne bolatynyn aıtty, dep habarlaıdy Dalanews.kz.
Resmı ókil Eńbek kodeksinde 2015 jyldan bastap jumysshylar úshin 4 kúndik jumys aptasyn engizýge ruqsat etilgenin aıtady.
Áleýmettik kodekste 4 kúndik sekildi 5 kúndik jáne 6 kúndik jumys kúnin anyqtaý boıynsha da dál osyndaı múmkindikter qarastyrylǵan.
"Jalaqy jaǵdaıyna keletin bolsaq, ózderińizge málim, Eńbek kodeksine sáıkes jalaqy oryndalǵan jumys kólemine proporsıonaldy túrde tólenedi. Tıisinshe, eger aptadaǵy jumys kúnderiniń sany qysqarsa, onda jalaqy da osy qysqartýǵa saı proporsıonaldy túrde tólenedi", - deıdi spıker.
Onyń aıtýynsha, eger jumys berýshi jumys kúnderiniń qysqartylǵanyna qaramastan, 5 kúndik jumys aptasynda belgilengen jalaqy mólsherin saqtap qalýdy jón dep tapsa, bul buzýshylyq bolyp sanalmaıdy. Mundaı jaıt jalpy Eńbek kodeksine qaıshy kelmeıdi.
