Bas prokýratýra Perizat Qairattyń isine qatysty pikir bildirdi, dep habarlaidy Dalanews.kz.
Sot asa iri mólsherde alaiaqtyq jáne qylmystyq jolmen alynǵan kiristerdi zańdastyrý faktisi boiynsha aiyptalǵan Perizat Qairat jáne onyń anasy Ǵaini Alashbaevaǵa qatysty qylmystyq isti qaraýdy aiaqtady.
Sottalýshy Perizat Qairattyń suraýymen sot onyń aiǵaqtary men jeke derekterin jariialaý bóliginde sot protsesin ishinara jabý týraly sheshim qabyldady.
Jasalǵan qylmystardyń sipaty men qoǵamdyq qaýiptilik dárejesin eskerip, biz sottan Perizat Qairatqa – 10 jyl, Ǵaini Alashbaevaǵa – 8 jyl bas bostandyǵynan aiyrý jazasyn jáne múlikterin tárkileýdi taǵaiyndaýdy suradyq.
Sotta anyqtalǵandai, 2021 jyldyń qazanynan 2024 jyldyń qarashasyna deiin Qairat pen Alashbaeva qaiyrymdylyq sharalaryn jeleý etip «Biz Birgemiz Qazaqstan 2030» qory arqyly muqtaj balalarǵa arnalǵan ońaltý ortalyǵyn salýǵa 126,7 mln teńge, Palestina halqyna gýmanitarlyq qoldaý kórsetýge 566,5 mln teńge jáne Qazaqstandaǵy aýqymdy sý tasqynynyń zardaptaryn joiýǵa 2,8 mlrd teńge qarajat jinaǵan.
Jinalǵan qarajattyń jalpy somasy 3,5 mlrd teńge quraǵan.
Atalǵan qarajat muqtaj jandarǵa arnaldy, alaida Qairat pen Alashbaeva urlanǵan aqshalai qarajatty qoldanystaǵy biznesti satyp alý jáne sý tasqynynan zardap shekkenderge taýarlardy jetkizýge jalǵan mámileler jasaý jolymen zańdastyrdy.
Zańdastyrylǵan aqshaǵa elitalyq jyljymaityn múlik, qymbat kólikter, sándi zattar satyp alynǵan.
Tabysty kásipkerdiń beinesin qalyptastyrý úshin Qairat Perizat áleýmettik jelilerde Birikken Arab Ámirlikterine et ónimderin jetkizý boiynsha otbasylyq biznes bar ekeni týraly, sondai-aq sheteldegi bedeldi oqý oryndarynda joǵary bilim alǵany jóninde jalǵan aqparat taratqan.
Bul aqparattar shyndyqqa janaspaidy.
Is materialdarymen Qairat Perizattyń kolledjden shyǵarylǵany jáne joǵary bilimi joq ekeni naqty anyqtalǵan.
Qairattyń anasy Alashbaevaǵa bergen qylmystyq róli urlanǵan qarajatty ornalastyrý úshin óziniń banktik shottaryn berý jáne Qairattyń qaiyrymdylyq jasaǵan adamdardy aldaýyna kómektesýde boldy.
Is boiynsha jábirlenýshi retinde 51 tulǵa tanylǵan, 1,5 mlrd teńgege talap aryz berilgen, biz sottan ony tolyq kólemde qanaǵattandyrýdy suradyq deidi prokýrorlar.
