QR Tótenshe jaǵdailar ministrligi Otar eldimekeni mańynda bailanys úzilgen QR Áýe qorǵanys kúshteriniń tikushaǵyna qatysty oqiǵanyń mán-jaiyn anyqtaý boiynsha izdestirý-qutqarý jumystaryn táýlik boiy júrgizýde. QR Tótenshe jaǵdailar ministrliginiń Komandalyq ortalyǵynda júrgizilgen ǵaryshtyq monitoring barysynda Almaty oblysyndaǵy Sorbulaq kóliniń akvatoriiasynda maiǵa uqsas daq anyqtaldy, dep habarlaidy Dalanews.kz.
"TJM qutqarýshylar toby shuǵyl túrde atalǵan aimaqqa shyqty. Izdeý jumystary túngi ýaqytta da jalǵasty. Jumys barysynda Qorǵanys ministrligine tiesili bolýy múmkin áýe kemesiniń fragmentteri tabyldy. Oqiǵa ornynda TJM qutqarýshylary jumys isteýde. Arnaiy jabdyqtar paidalanylýda: eholottar, ushqyshsyz ushý apparattary jáne sýasty drondary", - deidi QR TJM baspasóz qyzmeti.
Izdestirý-qutqarý jumystaryna jeke quramnan 200-ge jýyq adam, 40 birlik tehnika, 15 sý kóligi, 4 kinologiialyq eseptop jáne 2 TJM áýe kemesi tartylǵan.
Aita ketsek, keshe Almaty oblysynda Qarýly Kúshter Áýe qorǵanysy kúshteriniń ES-145 tikushaǵy josparly ushý kezinde radardan joǵalyp ketti. Aldyn ala málimet boiynsha, bortta úsh ekipaj múshesi bolǵan.
