ق ر توتەنشە جاعدايلار مينيسترلىگى وتار ەلدىمەكەنى ماڭىندا بايلانىس ۇزىلگەن ق ر اۋە قورعانىس كۇشتەرىنىڭ تىكۇشاعىنا قاتىستى وقيعانىڭ ءمان-جايىن انىقتاۋ بويىنشا ىزدەستىرۋ-قۇتقارۋ جۇمىستارىن تاۋلىك بويى جۇرگىزۋدە. ق ر توتەنشە جاعدايلار مينيسترلىگىنىڭ كوماندالىق ورتالىعىندا جۇرگىزىلگەن عارىشتىق مونيتورينگ بارىسىندا الماتى وبلىسىنداعى سوربۇلاق كولىنىڭ اكۆاتورياسىندا مايعا ۇقساس داق انىقتالدى، دەپ حابارلايدى Dalanews.kz.
"تجم قۇتقارۋشىلار توبى شۇعىل تۇردە اتالعان ايماققا شىقتى. ىزدەۋ جۇمىستارى تۇنگى ۋاقىتتا دا جالعاستى. جۇمىس بارىسىندا قورعانىس مينيسترلىگىنە تيەسىلى بولۋى مۇمكىن اۋە كەمەسىنىڭ فراگمەنتتەرى تابىلدى. وقيعا ورنىندا تجم قۇتقارۋشىلارى جۇمىس ىستەۋدە. ارنايى جابدىقتار پايدالانىلۋدا: ەحولوتتار، ۇشقىشسىز ۇشۋ اپپاراتتارى جانە سۋاستى دروندارى"، - دەيدى ق ر تجم باسپا ءسوز قىزمەتى.
ىزدەستىرۋ-قۇتقارۋ جۇمىستارىنا جەكە قۇرامنان 200-گە جۋىق ادام، 40 بىرلىك تەحنيكا، 15 سۋ كولىگى، 4 كينولوگيالىق ەسەپتوپ جانە 2 تجم اۋە كەمەسى تارتىلعان.
ايتا كەتسەك، كەشە الماتى وبلىسىندا قارۋلى كۇشتەر اۋە قورعانىسى كۇشتەرىنىڭ ەس-145 تىكۇشاعى جوسپارلى ۇشۋ كەزىندە راداردان جوعالىپ كەتتى. الدىن الا مالىمەت بويىنشا، بورتتا ءۇش ەكيپاج مۇشەسى بولعان.
