قازاقستاندا قارىزداردى ٶندٸرٸپ الۋ پروتسەسٸ تسيفرلاندىرىلىپ جاتىر. مەملەكەتتٸك ورگاندار بانكتەرمەن ٶزارا ٸس-قيمىلدىڭ ەلەكتروندى تەتٸكتەرٸن بەلسەندٸ قولدانا باستاعاندىقتان, ازاماتتار ايىپپۇل, سالىق, اليمەنت نەمەسە باسقا دا بەرەشەكتەرگە بايلانىستى بانك شوتتارىنىڭ كٷتپەگەن جەردەن بۇعاتتالۋىنا جيٸ تاپ بولىپ جٷر, دەپ حابارلايدى dalanews.kz.
Qazaq Expert Club ساراپشىسى, ەكونوميكا عىلىمدارىنىڭ كانديداتى, قارجىگەر ايگەرٸم ٸليياسوۆانىڭ سٶزٸنشە, بانك شوتتارىنا سالىق ورگاندارىنىڭ, سوتتىڭ نەمەسە قارجىلىق مونيتورينگ اگەنتتٸگٸنٸڭ شەشٸمٸ نەگٸزٸندە سوت ورىنداۋشىلارى تىيىم سالا الادى.
مىسالى, سالىق بەرەشەگٸ بار نەمەسە مٸندەتتٸ ەسەپتٸلٸكتٸ تاپسىرماعان ازاماتتاردىڭ شوتى بويىنشا وپەراتسييالاردى سالىق ورگاندارى شەكتەۋگە قۇقىلى. ال سوت تالاپ-ارىزدى قامتاماسىز ەتۋ شاراسى رەتٸندە اقشا قاراجاتىنا تىيىم سالۋى مٷمكٸن.
سونداي-اق كليەنتتٸڭ قارجىلىق وپەراتسييالارى كٸرٸستەردٸ زاڭداستىرۋعا قارسى زاڭناما اياسىندا كٷمەندٸ دەپ تانىلسا, شوتقا شەكتەۋ قويىلۋى ىقتيمال.
شوت بۇعاتتالسا نە ٸستەۋ كەرەك?
ەڭ الدىمەن بانكتەن شوتقا تىيىمدى قاي ورگان سالعانىن انىقتاۋ قاجەت. ەدەتتە بۇعاتتاۋ الدىندا ازاماتقا سوت ورىنداۋشىسىنان, سالىق ورگانىنان نەمەسە باسقا ۋەكٸلەتتٸ مەكەمەدەن جاۋاپتى قىزمەتكەردٸڭ بايلانىس دەرەكتەرٸ كٶرسەتٸلگەن حابارلاما جولدانادى.
ەگەر ازامات بەرەشەكپەن كەلٸسسە, قارىزىن ٶتەپ, ونى راستايتىن قۇجاتتاردى تىيىم سالعان ورگانعا ۇسىنۋى كەرەك. وسىدان كەيٸن شەكتەۋدٸ الىپ تاستاۋ رەسٸمٸ باستالادى.
ال ەگەر ازامات شوتتىڭ نەگٸزسٸز بۇعاتتالعانىن ەسەپتەسە, e-Otinish سەرۆيسٸ ارقىلى نەمەسە تٸكەلەي ۋەكٸلەتتٸ ورگانعا شاعىمدانا الادى.
كەي جاعدايدا شەكتەۋلەر كٷمەندٸ قارجىلىق وپەراتسييالارعا بايلانىستى قويىلادى. مۇنداي كەزدە بانك قاراجاتتىڭ قايدان كەلگەنٸ جەنە تٶلەم ماقساتى تۋرالى قوسىمشا مەلٸمەت سۇراتادى. قاجەتتٸ قۇجاتتار ۇسىنىلعان سوڭ شەكتەۋ الىنۋى مٷمكٸن.
ساراپشىلاردىڭ ايتۋىنشا, شوتتى بۇعاتتاۋ كٶپ جاعدايدا ۋاقىتشا شارا بولىپ سانالادى جەنە مەسەلەنٸ شەشۋ ٷشٸن شوت يەسٸ بەلسەندٸ ەرەكەت ەتۋٸ قاجەت.
قانداي تٶلەمدەر قورعالعان?
قازاقستان زاڭناماسى كەيبٸر ەلەۋمەتتٸك تٶلەمدەردٸ قورعاۋدى كٶزدەيدٸ. مەملەكەتتٸك جەردەماقىلار, اتاۋلى ەلەۋمەتتٸك كٶمەك, ەسكەري قىزمەتشٸلەرگە ارنالعان تۇرعىن ٷي تٶلەمدەرٸ, اليمەنتتەر جەنە بٸرقاتار باسقا ەلەۋمەتتٸك تٶلەمدەر تٷسەتٸن ارنايى شوتتارعا تىيىم سالىنبايدى.
الايدا بۇل قورعانىس قاراجات ارنايى شوتقا تٷسكەن جاعدايدا عانا قولدانىلادى. ەگەر ەلەۋمەتتٸك تٶلەمدەر قاراپايىم اعىمداعى شوتقا اۋدارىلسا, ول قاراجاتقا دا تىيىم سالىنۋى مٷمكٸن.
سوندىقتان جەردەماقى مەن ەلەۋمەتتٸك تٶلەم الۋشىلارعا الدىن الا ارنايى شوت اشىپ قويعان جٶن. مۇنداي شوتتى بانك بٶلٸمشەسٸندە نەمەسە كٶپتەگەن بانكتەردٸڭ موبيلدٸ قوسىمشالارى ارقىلى اشۋعا بولادى. سونىمەن قاتار ەلەۋمەتتٸك تٶلەمدەرگە ارنالعان جەكە كارتا رەسٸمدەۋ مٷمكٸندٸگٸ دە قاراستىرىلعان.
