Soltústik Qazaqstan oblysynda zeinetker ákesin qorlap, uryp-soqqan 22 jastaǵy jigitke qatysty sot úkimi shyqty, dep habarlaidy dalanews.kz.
Oqiǵa Shal aqyn aýdanyndaǵy Birlik aýylynda bolǵan. Áleýmettik jelide taraǵan videoda jas jigittiń qart adamǵa aiqailap, bylapyt sózder aityp, kúsh qoldanǵany kórinedi. Sonymen qatar ol óz áreketin telefonǵa túsirip turǵan.
Jelide jariialanǵan beinejazbadan keiin politsiia qyzmetkerleri kúdiktiniń jeke basyn anyqtady. Onyń jábirlenýshi zeinetkerdiń týǵan uly ekeni belgili boldy.
Zeinetker ulyn keshirip, sot-meditsinalyq saraptamadan ótýden jáne aryz jazýdan bas tartqan. Soǵan qaramastan politsiia quqyq buzýshylyq faktisi boiynsha is qozǵap, materialdardy sotqa joldaǵan.
Sot sheshimimen jas jigit kináli dep tanylyp, oǵan bes táýlik ákimshilik qamaý jazasy taǵaiyndaldy.
