Sintetikalyq esirtkini satý jáne qylmystyq kiristi zańdastyrý boiynsha transulttyq qylmystyq topty basqarǵan kúdikti Polshadan ekstraditsiialandy, dep habarlaidy dalanews.kz.
Qazaqstannyń Bas prokýratýrasy men Ishki ister ministrligi Interpol qyzmetkerleri Qazaqstannyń Polshadaǵy elshiliginiń kómegimen Ýkraina azamatyn ekstraditsiialady.
Arnaiy prokýrorlar qylmystyq isti tergeý barysynda kúdikti transulttyq qylmystyq toptyń basshysy bolyp, Telegram messendjerinde Kaef Mafia internet dúkeni arqyly esirtki jáne psihotrop zattardy júieli túrde bailanyssyz satýdy uiymdastyrǵanyn anyqtady.
Qylmystyq áreket nátijesinde bank shottary arqyly 2,8 mlrd teńgeden asa qarajat ótkizilgen, olar Qazaqstannan tys jerge shyǵarylǵan, biraq keiin qabyldanǵan sharalar arqyly memleket paidasyna tárkilengen.
Sonymen qatar, jedel is-sharalar barysynda osy qylmystyq top múshelerinen 1,2 keli esirtki jáne psihotrop zattar alyndy.
Qylmys jasalǵannan keiin top músheleriniń bir bóligi sottalǵan, al kúdikti qylmystyq qýdalaý organdarynan jasyrynǵan, osyǵan bailanysty oǵan halyqaralyq izdeý jariialanǵan.
Byltyr jeltoqsanda ol Polsha aýmaǵynda ustaldy, osylaisha Bas prokýratýranyń suraýy boiynsha Qazaqstanǵa ekstraditsiialandy. Qazir ol tergeý izoliatoryna qamaldy.
