Qazaqstannyń altyn-valiýta rezervteri 2024 jylmen salystyrǵanda 42,8%-ǵa ósip, 65,4 mlrd dollarǵa jetti, dep habarlaidy dalanews.kz.
Mamandardyń málimetinshe, halyqaralyq rezervterdiń aitarlyqtai ulǵaiýyna investitsiialyq tabys pen altynmen júrgizilgen operatsiialar áser etken.
2025 jyl Qazaqstan úshin altyn satyp alý boiynsha eń belsendi kezeńderdiń biri boldy. Osy ýaqyt ishinde Qazaqstan Ulttyq banki altyn qoryn shamamen 57 tonnaǵa arttyrǵan.
Al Dúniejúzilik altyn keńesiniń (World Gold Council) deregine sáikes, Qazaqstan 2025 jyly ortalyq bankter arasyndaǵy altyn satyp alý kólemi boiynsha álemde ekinshi orynǵa shyqty. Bul kórsetkish boiynsha el tek Polshadan ǵana qalyp qoiǵan.
Sarapshylardyń aitýynsha, altyn qorynyń artýy eldiń qarjylyq turaqtylyǵyn nyǵaityp, syrtqy ekonomikalyq táýekelderge tótep berý múmkindigin kúsheitedi.
