Shymkent qalasy boıynsha QMA «Mooni Gold» qarjy pıramıdasynyń zańsyz áreketin áshkereledi, dep habarlaıdy Dalanews.kz.

Tergeý derekterine saı kúdiktiler ózderin zergerlik buıymdar satatyn kompanıa retinde kórsetip, azamattarǵa 5 aı boıy salym somasynyń  20-30%-yn aı saıyn tabys retinde berýge jáne negizgi qarajattyń saqtalýyna kepildik bergen.

Alaıda, tólemder naqty satýdan túsken paıdadan emes, jańa qatysýshylardyń salymdary esebinen júzege asyrylǵan.

Nátıjesinde qarjy pıramıdasyna qatysýshylar sany myńnan asty. Zalal kólemi 500 mln teńgeden asty.

Kúdiktiler qylmystyq jolmen alynǵan tabysqa jalpy quny 280 mln teńge bolatyn elıtalyq úı men avtokólik satyp alǵan. Bul múlikke sot sheshimimen tyıym salyndy.

Tintý kezinde 15 mln teńge qolma-qol aqsha jáne quny 28 mln teńgeden asatyn 67 túrli altyn buıym tárkilendi.

Mańyzdysy, salymshylardyń kópshiligi óz úıleri men kólikterin kepilge qoıyp, nesıe rásimdeı otyryp, pıramıdaǵa aqsha salǵan.

Zardap shekkenderdiń biri – zeınetker áıel, ol páterin kepilge qoıyp, uıymdastyrýshylarǵa 67 mln teńge bergen.

Sonymen qatar, kúdiktiler salymshylardy «dropper» retinde paıdalanǵan. Iaǵnı basqa qatysýshylardan túsken qarajatty ózge salymshylardyń bank shottary arqyly qolma-qol aqshaǵa aınaldyrǵan.

Kúdiktiler eki aıǵa qamaýǵa alyndy.

Qazaqstan Respýblıkasynyń Qylmystyq-prosestik kodeksiniń 201-babyna sáıkes, basqa aqparat jarıa etilmeıdi.