شىمكەنت قالاسى بويىنشا قما «Mooni Gold» قارجى پيراميداسىنىڭ زاڭسىز ارەكەتىن اشكەرەلەدى، دەپ حابارلايدى Dalanews.kz.
تەرگەۋ دەرەكتەرىنە ساي كۇدىكتىلەر وزدەرىن زەرگەرلىك بۇيىمدار ساتاتىن كومپانيا رەتىندە كورسەتىپ، ازاماتتارعا 5 اي بويى سالىم سوماسىنىڭ 20-30%-ىن اي سايىن تابىس رەتىندە بەرۋگە جانە نەگىزگى قاراجاتتىڭ ساقتالۋىنا كەپىلدىك بەرگەن.
الايدا، تولەمدەر ناقتى ساتۋدان تۇسكەن پايدادان ەمەس، جاڭا قاتىسۋشىلاردىڭ سالىمدارى ەسەبىنەن جۇزەگە اسىرىلعان.
ناتيجەسىندە قارجى پيراميداسىنا قاتىسۋشىلار سانى مىڭنان استى. زالال كولەمى 500 ملن تەڭگەدەن استى.
كۇدىكتىلەر قىلمىستىق جولمەن الىنعان تابىسقا جالپى قۇنى 280 ملن تەڭگە بولاتىن ەليتالىق ءۇي مەن اۆتوكولىك ساتىپ العان. بۇل مۇلىككە سوت شەشىمىمەن تىيىم سالىندى.
ءتىنتۋ كەزىندە 15 ملن تەڭگە قولما-قول اقشا جانە قۇنى 28 ملن تەڭگەدەن اساتىن 67 ءتۇرلى التىن بۇيىم تاركىلەندى.
ماڭىزدىسى، سالىمشىلاردىڭ كوپشىلىگى ءوز ۇيلەرى مەن كولىكتەرىن كەپىلگە قويىپ، نەسيە راسىمدەي وتىرىپ، پيراميداعا اقشا سالعان.
زارداپ شەككەندەردىڭ ءبىرى – زەينەتكەر ايەل، ول پاتەرىن كەپىلگە قويىپ، ۇيىمداستىرۋشىلارعا 67 ملن تەڭگە بەرگەن.
سونىمەن قاتار، كۇدىكتىلەر سالىمشىلاردى «دروپپەر» رەتىندە پايدالانعان. ياعني باسقا قاتىسۋشىلاردان تۇسكەن قاراجاتتى وزگە سالىمشىلاردىڭ بانك شوتتارى ارقىلى قولما-قول اقشاعا اينالدىرعان.
كۇدىكتىلەر ەكى ايعا قاماۋعا الىندى.
قازاقستان رەسپۋبليكاسىنىڭ قىلمىستىق-پروسەستىك كودەكسىنىڭ 201-بابىنا سايكەس، باسقا اقپارات جاريا ەتىلمەيدى.
