Halyq densaýlyǵy – memleketimizdiń basty baılyǵy. Búginde Batys Qazaqstan oblysynyń Jańaqala aýdanynda ońaltý qyzmeti jańa serpinmen damyp keledi.

Osy baǵyttaǵy ilkimdi isterdiń biri – 2009 jyldyń 29 qarashasynda ashylǵan «Aýdanaralyq saýyqtyrý aýrýhanasy» ońaltý ortalyǵynyń qyzmeti. 15 jyl ishinde ortalyq 27 784 turǵynǵa medısınalyq ońaltý kómegin kórsetip, el alǵysyna bólenip otyr.

Ortalyq eresekterge arnalǵan III kezeńdegi qalpyna keltirý jáne medısınalyq ońaltý qyzmetin usynady.

Qyzmet túrleri QR Densaýlyq saqtaý mınıstrliginiń №116 jáne №65 buıryqtaryna sáıkes nevrologıalyq, kardıologıalyq jáne travmatologıalyq baǵyttarda júrgiziledi.

Búginde atalmysh ortalyq – oblys halqynyń saýyǵýyna yqpal etetin mańyzdy medısınalyq mekemelerdiń biri.

Turǵyndardyń ómir sapasyn arttyrýǵa baǵyttalǵan bul jumystar aldaǵy ýaqytta da jalǵasady.