Astanada QOSYMSHA.KZ jobasy pilottyq rejimde iske qosyldy. Bul joba qosymsha bilim berý salasynda vaýcherlik qarjylandyrý júiesin engizýge baǵyttalǵan. Atalǵan bastama aiasynda elordanyń 6 aýdanynda ata-analar men zańdy ókilderge ádistemelik jáne aqparattyq qoldaý kórsetetin konsýltatsiialyq pýnktter jumysyn bastady,- dep habarlaidy Dalanews.kz
Konsýltatsiialyq pýnktterde ata-analarǵa jańa tsifrlyq platformany paidalaný tártibi men kezeńderi týraly aqparat tegin usynylady. Jaýapty keńesshiler ata-analarǵa júieni túsindirýge, qajetti usynystar berýge jáne tirkeý protsesin egjei-tegjeili túsindirýge kómektesedi.
Ata-analarǵa qolaily bolý úshin bul pýnktter senbi jáne jeksenbi kúnderi de jumys isteidi.
Konsýltatsiialyq pýnktterdiń mekenjailary:
-
Almaty aýdany – Ál-Farabi atyndaǵy Oqýshylar saraiy (B. Momyshuly dańǵyly, 5)
-
Baiqońyr aýdany – №1 óner mektebi (Abai dańǵyly, 74), №3 balalar mýzyka mektebi (Beisekbaev kóshesi, 3)
-
Esil aýdany – №2 óner mektebi (Dostyq kóshesi, 13)
-
Nura aýdany – №85 mektep-litsei (Qabanbai batyr dańǵyly, 56)
-
Saryarqa aýdany – Mahambet Ótemisuly atyndaǵy Oqýshylar saraiy (A. Mambet kóshesi, 1)
-
Saraishyq aýdany – №83 mektep-gimnaziia (Baitursynov kóshesi, 35)
QOSYMSHA.KZ jobasy – balalardyń shyǵarmashylyq, sporttyq jáne intellektýaldyq qabiletterin damytýǵa baǵyttalǵan qosymsha bilim berý uiymdaryna memlekettik tapsyrysty ashyq ári ádil bólýdi qamtamasyz etetin aqparattyq tsifrlyq júie.
