Астанада QOSYMSHA.KZ жобасы пилоттық режимде іске қосылды. Бұл жоба қосымша білім беру саласында ваучерлік қаржыландыру жүйесін енгізуге бағытталған. Аталған бастама аясында елорданың 6 ауданында ата-аналар мен заңды өкілдерге әдістемелік және ақпараттық қолдау көрсететін консультациялық пункттер жұмысын бастады,- деп хабарлайды Dalanews.kz
Консультациялық пункттерде ата-аналарға жаңа цифрлық платформаны пайдалану тәртібі мен кезеңдері туралы ақпарат тегін ұсынылады. Жауапты кеңесшілер ата-аналарға жүйені түсіндіруге, қажетті ұсыныстар беруге және тіркеу процесін егжей-тегжейлі түсіндіруге көмектеседі.
Ата-аналарға қолайлы болу үшін бұл пункттер сенбі және жексенбі күндері де жұмыс істейді.
Консультациялық пункттердің мекенжайлары:
-
Алматы ауданы – Әл-Фараби атындағы Оқушылар сарайы (Б. Момышұлы даңғылы, 5)
-
Байқоңыр ауданы – №1 өнер мектебі (Абай даңғылы, 74), №3 балалар музыка мектебі (Бейсекбаев көшесі, 3)
-
Есіл ауданы – №2 өнер мектебі (Достық көшесі, 13)
-
Нұра ауданы – №85 мектеп-лицей (Қабанбай батыр даңғылы, 56)
-
Сарыарқа ауданы – Махамбет Өтемісұлы атындағы Оқушылар сарайы (А. Мамбет көшесі, 1)
-
Сарайшық ауданы – №83 мектеп-гимназия (Байтұрсынов көшесі, 35)
QOSYMSHA.KZ жобасы – балалардың шығармашылық, спорттық және интеллектуалдық қабілеттерін дамытуға бағытталған қосымша білім беру ұйымдарына мемлекеттік тапсырысты ашық әрі әділ бөлуді қамтамасыз ететін ақпараттық цифрлық жүйе.
