استانادا QOSYMSHA.KZ جوباسى پيلوتتىق رەجيمدە ىسكە قوسىلدى. بۇل جوبا قوسىمشا ءبىلىم بەرۋ سالاسىندا ۆاۋچەرلىك قارجىلاندىرۋ جۇيەسىن ەنگىزۋگە باعىتتالعان. اتالعان باستاما اياسىندا ەلوردانىڭ 6 اۋدانىندا اتا-انالار مەن زاڭدى وكىلدەرگە ادىستەمەلىك جانە اقپاراتتىق قولداۋ كورسەتەتىن كونسۋلتاسيالىق پۋنكتتەر جۇمىسىن باستادى،- دەپ حابارلايدى Dalanews.kz

كونسۋلتاسيالىق پۋنكتتەردە اتا-انالارعا جاڭا سيفرلىق پلاتفورمانى پايدالانۋ ءتارتىبى مەن كەزەڭدەرى تۋرالى اقپارات تەگىن ۇسىنىلادى. جاۋاپتى كەڭەسشىلەر اتا-انالارعا جۇيەنى تۇسىندىرۋگە، قاجەتتى ۇسىنىستار بەرۋگە جانە تىركەۋ پروسەسىن ەگجەي-تەگجەيلى تۇسىندىرۋگە كومەكتەسەدى.

اتا-انالارعا قولايلى بولۋ ءۇشىن بۇل پۋنكتتەر سەنبى جانە جەكسەنبى كۇندەرى دە جۇمىس ىستەيدى.

كونسۋلتاسيالىق پۋنكتتەردىڭ مەكەنجايلارى:

• الماتى اۋدانى – ءال-فارابي اتىنداعى وقۋشىلار سارايى (ب. مومىش ۇلى داڭعىلى، 5)

• بايقوڭىر اۋدانى – №1 ونەر مەكتەبى (اباي داڭعىلى، 74)، №3 بالالار مۋزىكا مەكتەبى (بەيسەكبايەۆ كوشەسى، 3)

• ەسىل اۋدانى – №2 ونەر مەكتەبى (دوستىق كوشەسى، 13)

• نۇرا اۋدانى – №85 مەكتەپ-ليسەي (قابانباي باتىر داڭعىلى، 56)

• سارىارقا اۋدانى – ماحامبەت وتەمىس ۇلى اتىنداعى وقۋشىلار سارايى (ا. مامبەت كوشەسى، 1)

• سارايشىق اۋدانى – №83 مەكتەپ-گيمنازيا (بايتۇرسىنوۆ كوشەسى، 35)

QOSYMSHA.KZ جوباسى – بالالاردىڭ شىعارماشىلىق، سپورتتىق جانە ينتەللەكتۋالدىق قابىلەتتەرىن دامىتۋعا باعىتتالعان قوسىمشا ءبىلىم بەرۋ ۇيىمدارىنا مەملەكەتتىك تاپسىرىستى اشىق ءارى ءادىل ءبولۋدى قامتاماسىز ەتەتىن اقپاراتتىق سيفرلىق جۇيە.