Eýropalyq "Lufthansa" áýe kompaniianyń ushaqtary 2025 jylǵy 26 qazan men 2026 jylǵy 29 naýryz aralyǵynda Qazaqstanǵa qatynaýyn ýaqytsha doǵarady. QR Kólik ministrligi onyń úsh sebebin atady, dep habarlaidy Dalanews.kz.
Quzyrly vedomstvo málimetinshe, "Lufthansa" áýe kompaniiasynyń ushýlardy ýaqytsha toqtatýnyń sebepteri kelesidei:
- Áskeri qaqtyǵystarǵa bailanysty Resei Federatsiiasynyń áýe keńistigin ainalyp ushý kompaniia shyǵyndarynyń artýyna ákeldi.
- Áýe kemeleriniń jetispeýshiligi, sondai-aq jańa ushaqtar men qosalqy bólshekterdiń jetkizilýiniń keshigýi de áser etýde. Qazirgi ýaqytta kóptegen halyqaralyq áýe kompaniialar tapsyrys bergen áýe kemelerin ýaqytynda ala almaýyna bailanysty ózderiniń tasymaldaý josparlaryn qaita qaraýda.
- Maýsymdyq jolaýshylar aǵynynyń tómendeý úrdisi kóptegen áýe tasymaldaýshylaryna tán.
"Sonymen qatar, Astana jáne Almaty qalalary arqyly ushý kompaniianyń jeke sheshimine bailanysty reisterdiń júktemesin qamtamasyz etý maqsatynda jalǵasyp jatqanyn atap ótemiz", dep naqtylaidy Kólik ministrligi.
