UQK energetıka mınıstrligine qarasty departament qyzmetkerin ustady, dep habarlaıdy Dalanews.kz.
Bıyl 23 shildede Ulttyq qaýipsizdik komıtetiniń Sybaılas jemqorlyqqa qarsy is-qımyl qyzmeti qyzmettik ókilettikterin asyra paıdalandy degen kúdikpen QR Energetıka mınıstrliginiń Atomdyq jáne energetıkalyq qadaǵalaý men baqylaý komıtetiniń Qyzylorda oblysy boıynsha aýmaqtyq departamentiniń basshysyn ustady.
Ol jer qoınaýyn paıdalanýshylardan júıeli túrde materıaldyq paıda alýǵa múmkindik beretin sybaılas jemqorlyq shemasyn uıymdastyrdy dep kúdiktelýde.
Qazirgi ýaqytta osy adamǵa qatysty QR Qylmystyq kodeksiniń 362-baby 4-bóliginiń 3-tarmaǵy (Bılikti nemese laýazymdyq ókilettikterdi asyra paıdalaný) jáne 364-baby 1-bóligi (Kásipkerlik qyzmetke zańsyz qatysý) boıynsha tergeý is-sharalary júrgizilýde.
Qamaýda ustaý bultartpaý sharasy retinde taǵaıyndaldy.
QR Qylmystyq-prosestik kodekstiń 201-babyna sáıkes sotqa deıingi tergep-tekserýdiń ózge aqparattary jarıa etýge jatpaıdy.
