ۇقك ەنەرگەتيكا مينيسترلىگىنە قاراستى دەپارتامەنت قىزمەتكەرىن ۇستادى، دەپ حابارلايدى Dalanews.kz.
بيىل 23 شىلدەدە ۇلتتىق قاۋىپسىزدىك كوميتەتىنىڭ سىبايلاس جەمقورلىققا قارسى ءىس-قيمىل قىزمەتى قىزمەتتىك وكىلەتتىكتەرىن اسىرا پايدالاندى دەگەن كۇدىكپەن ق ر ەنەرگەتيكا مينيسترلىگىنىڭ اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ قىزىلوردا وبلىسى بويىنشا اۋماقتىق دەپارتامەنتىنىڭ باسشىسىن ۇستادى.
ول جەر قويناۋىن پايدالانۋشىلاردان جۇيەلى تۇردە ماتەريالدىق پايدا الۋعا مۇمكىندىك بەرەتىن سىبايلاس جەمقورلىق سحەماسىن ۇيىمداستىردى دەپ كۇدىكتەلۋدە.
قازىرگى ۋاقىتتا وسى ادامعا قاتىستى ق ر قىلمىستىق كودەكسىنىڭ 362-بابى 4-بولىگىنىڭ 3-تارماعى (بيلiكتi نەمەسە لاۋازىمدىق وكiلەتتiكتەردى اسىرا پايدالانۋ) جانە 364-بابى 1-بولىگى (كاسىپكەرلىك قىزمەتكە زاڭسىز قاتىسۋ) بويىنشا تەرگەۋ ءىس-شارالارى جۇرگىزىلۋدە.
قاماۋدا ۇستاۋ بۇلتارتپاۋ شاراسى رەتىندە تاعايىندالدى.
ق ر قىلمىستىق-پروسەستىك كودەكستىڭ 201-بابىنا سايكەس سوتقا دەيىنگى تەرگەپ-تەكسەرۋدىڭ وزگە اقپاراتتارى جاريا ەتۋگە جاتپايدى.
