- Álemdegi eń tereń jáne iri munai kenishteriniń biri bolyp sanalatyn Teńiz munai kenishi 1979 jyly ashyldy.
- «Teńizshevroil» jaýapkershiligi shekteýli seriktestigi (ári qarai – TShO) 1993 jyly 6 sáýirde Qazaqstan Respýblikasy men «Shevron» kompaniiasy arasynda jasalǵan kelisim negizinde quryldy.
- TShO-nyń qazirgi kezdegi seriktesteri: «Shevron» – 50%, «QazMunaiGaz» UK AQ – 20%, «EksonMobil Qazaqstan Venchýrs Ink.» – 25% jáne «LýkArko B.K.» – 5%.
Ónim óndirý/Qorlar.
- Jalpy barlanǵan qory jóninen Teńiz kenishinde 3,2 milliard tonna (25,5 mlrd. barrel), al Korolev ken alańynda 200 million tonna (1,6 mlrd. barrel) shamasynda munai bar dep eseptelinedi.
- Teńiz jáne Korolev kenishterinen alynatyn munai qory 890 millionnan 1,37 milliard tonnaǵa deiingi mólsherdi (7,1 – 10,9 mlrd. barrel) quraidy.
- Teńiz kollektorynyń eni 20 shaqyrym (12 mil), uzyndyǵy 21 shaqyrym (13 mil).
- TShO 2008 jyly Shiki gaz aidaý jáne Ekinshi býyn zaýyty (ShGA/EBZ) jobasyn aiaqtap, nátijesinde munai óndirýdiń táýliktik kólemi shamamen 75 000 tonnaǵa nemese 600 000 barrelge, al, tabiǵi gaz 22 million tekshe metrge nemese 750 million tekshe fýtqa jetti.
- 2017 jyly munai óndirý kólemi 28,7 million tonnany (229 million barrel) qurady.
Densaýlyq saqtaý, ónerkásip qaýipsizdigi jáne qorshaǵan ortany qorǵaý
- 2000 jyldan beri TShO qorshaǵan ortaǵa áserdi azaitýǵa baǵyttalǵan jobalarǵa 3 milliard AQSh dollar kóleminde qarjy bóldi.
- Qazirgi tańda TShO óndirilgen gazdyń 98%-dan astamyn kádege jaratýda.
- Jabdyqtyń senimdiligin arttyrý sharalaryna jumsalǵan investitsiialar 2000 jyldan 2017 jylǵa deiingi aralyqta zaýyttardaǵy tehnikalyq aqaýlar sanyn jáne alaýda jospardan tys jáne tehnologiia boiynsha sharasyz jaǵylatyn shiki jáne qyshqyl gaz kólemin 99%-ǵa azaitýǵa múmkindik berdi.
- 2000 jyldan beri óndirilgen munaidyń bir tonnasyna shaqqandaǵy atmosferaǵa jiberilgen shyǵaryndylardyń kólemi 70%-ǵa azaidy. TShO kúrdeli jobalardy júzege asyrý jáne jabdyqtardyń senimdiligine jasalǵan investitsiialar nátijesinde atalǵan merzim ishinde jyldyq munai óndirý kólemin 2,7 ese arttyrdy.
TShO óniminiń ózge túrleri
- 2017 jyly TShO suiytylǵan gaz satý kólemi shamamen 1,38 million tonnadan asyryp, qurǵaq gaz satý kólemin 7,45 milliard tekshe metr, al kúkirt satý kólemin 2,49 million tonnaǵa jetkizdi.
Qazaqstan úshin artyqshylyqtar
- 1993 jyldan 2017 jylǵa deiin TShO-nyń Qazaqstan Respýblikasyna tikelei qarjy tólemderi 125 milliard AQSh dollarynan astam somany qurady. Buǵan TShO-nyń jergilikti qyzmetkerlerine tólengen eńbekaqy, qazaqstandyq taýar óndirýshiler men jabdyqtaýshylardyń ónimderi men qyzmetterin satyp alýǵa jumsalǵan qarjy, memlekettik kásiporyndarǵa aýdarylatyn tarifter men tólemder, qazaqstandyq serikteske bólingen tiisti dividendter, sonymen qatar memlekettik biýdjetke aýdarylǵan salyq jáne roialti túrindegi tólemder kiredi.
- 2017 jyly Qazaqstan Respýblikasyna tólengen tikelei tólemderdiń kólemi 8,5 milliard AQSh dollarynan asty.
- 2017 jyly TShO qazaqstandyq taýarlar men qyzmetterdi paidalanýǵa 2,5 milliard AQSh dollary shamasynda qarjy jumsady, onyń 1,12 milliard AQSh dollarynan astamy KKJ-UEQBJ aiasynda jumsaldy.
- 1993 jyldan bastap TShO qazaqstandyq kompaniialardyń 24 milliard AQSh dollaryn quraityn taýarlary men qyzmetterin paidalandy.
Qyzmetkerlerdi shyńdaý
- Qazirgi tańda TShO-da jumys isteitin qazaqstandyq qyzmetkerlerdiń úlesi 1993 jylǵy 50% kórsetkishpen salystyrǵanda 83% quraidy.
- TShO-daǵy jergilikti ulttyq basshylardyń, joǵary jáne orta býyn jetekshileriniń úlesi jalpy basshylyq quramnyń 67% quraidy. Kadrlardy oqytý jáne shyńdaý jónindegi turaqty baǵdarlamany júzege asyrý nátijesinde jaýapty basshylyq laýazymdarǵa taǵaiyndalǵan jergilikti qyzmetkerler qatary kóbeie túsýde.
Áleýmettik salaǵa úles
- 1993 jyldan bastap TShO óz qyzmetkerleri men jergilikti turǵyndardyń igiligi úshin Atyraý oblysynyń ártúrli áleýmettik jobalaryna 1,4 milliard AQSh dollarynan astam qarjy jumsady.
- 2017 jyldyń «Igilik» erikti áleýmettik infraqurylym baǵdarlamasy biýdjeti 25 million AQSh dollaryn qurady. Atalmysh qarjynyń negizgi úlesi Atyraý oblysynda balabaqshalar, mektepter jáne basqa da áleýmettik nysandardyń qurylysyna jumsalady.
- 2017 jyly Atyraý oblysynyń densaýlyq saqtaý jáne bilim berý salalaryna qoldaý kórsetý maqsatynda TShO-nyń áleýmettik investitsiialar baǵdarlamasyna 1,06 million AQSh dollary shamasynda qarjy jumsaldy.
Keleshek keńeiý jobasy – Uńǵy erneýindegi qysymdy basqarý jobasy
- 2016 jyly TShO seriktesteri Teńiz munai ken ornynyń óndiristik qýattylyǵyn arttyrýdyń kelesi kezeńi bolyp tabylatyn Keleshek keńeiý jobasy – Uńǵy erneýindegi qysymdy basqarý jobasyn (KKJ-UEQBJ) qarjylandyrý jónindegi aqyrǵy sheshimniń qabyldanǵany týraly jariialady.
- KKJ-UEQBJ nysandarynyń qurylysy barynsha tiimdilikti arttyryp, qarajatty únemdeý maqsatynda bir ýaqytta oryndalyp jatyr.
- Óndiristik qýatty arttyrý maqsatynda tabysty túrde júzege asyrylǵan TShO-nyń aldyńǵy EBZ/ShGA jobasy tájiribesin negizge ala otyryp, KKJ óndiris qýatyn jylyna shamamen 12 million tonna nemese táýligine 260 myń barrelge arttyryp, osylaisha, munai óndirisiniń jyldyq kólemin shamamen 39 million tonnaǵa nemese táýligine 850 myń barrelge jetkizýdi kózdeidi.
- UEQBJ atqylaityn uńǵylardyń erneýlik qysymyn tómendetip, qoldanystaǵy alty keshendi tehnologiialyq jeliniń kire berisindegi qysymdy arttyrý arqyly Teńiz ken ornynda jumys jasaityn zaýyttardyń tolyq qýatpen jumys isteýin qamtamasyz etedi.
- KKJ-UEQBJ aiasynda 30 myńnan astam qazaqstandyqtar el ishinde jumysqa tartyldy, bul jobada jalpy qyzmet etip jatqandar sanynyń 92%-yn qurap tur.
- TShO qazaqstandyq jabdyqtaýshylardy KKJ-UEQBJ úshin jobalaý, satyp alý jáne modýlderdi daiyndaý qyzmetterine belsendi túrde jumyldyrýda. Qazirgi tańda 2000-nan astam qazaqstandyq kompaniia aldyn-ala irikteýden ótti.
- Jobalaý men materialdyq-tehnikalyq qamtý jumystary modýlderdi teńiz arqyly alǵashqy tasymaldaýdy bastaýǵa jáne Teńiz ken ornyndaǵy nóldik tsikl jumystaryn oryndaýǵa baǵyttalýda.
- KKJ-UEQBJ jabdyqtarynyń negizgi bóligi Qazaqstan, Ońtústik Koreia jáne Italiiada jasalady. Modýlge aldyn ala qurastyrylǵannan keiin olar sońǵy qurastyrý úshin Teńiz ken ornyna jetkiziledi.
- 2016 jyldyń qazan aiynda Mańǵystaý oblysynda ornalasqan ERSAI óndiristik alańynda qubyr estakadalaryn jasaý bastalyp, qazirgi tańda jumystar josparǵa sáikes oryndalýda. Italiiada gaz týrbindik generatorlardy jasaý jáne Ońtústik Koreiada modýl jasaý jumystary josparǵa sáikes oryndalýda.
- Modýl jetkizýshi kemelerdi jasaý jumystary Vetnam men Rýmyniiada jalǵasýda. Alǵashqy 10 modýl jetkizýshi keme sýǵa túsirildi.
- Júk tasymaldaý baǵdary aiasyndaǵy teńiz kanalynyń qurylysy aiaqtaldy. Kanaldyń jaǵalyq aimaǵyndaǵy jáne burylý alabyndaǵy túp tereńdetý jumystary, sondai-aq buryly alabyn baqylanbaly túrde toltyrý jumystary aiaqtaldy. Barlyq qurylys kentteriniń qurylysy aiaqtaldy.
- Teńiz ken ornyndaǵy infraqurylymdy salý jumystary josparǵa sáikes qarqynmen oryndalýda. ÚBZ jáne ShGAÚB qurylys alańdaryndaǵy jalpy qurylys jáne jerasty jumystary ári qarai qarqyn alýda.
- Uńǵy alańdary boiynsha jumystar aiaqtalyp, alańdar burǵylaý tobyna tapsyryldy, al joǵary qysymdy jinaý júiesiniń alǵashqy kezeńine arnalǵan qubyrlar men ólsheý qondyrǵycynyń qurylysy jalǵasýda.
