Prezident Qasym-Jomart Toqaev aldaǵy ýaqytta shaǵyn jáne orta kásipti qoldaý úshin basqa da sharalar qabyldanatynyn málimdedi, - dep habarlaidy Dalanews.kz.
"Sońǵy kezde maǵan jańa Salyq kodeksine qatysty kóptegen ótinish tústi. Men premer-ministrge naqty tapsyrmamdy berdim. Úkimet arnaiy salyq rejimi boiynsha jumys isteitin kásipterdiń tizimin burynǵy qalpynda qaldyrdy. Aldaǵy ýaqytta shaǵyn jáne orta kásipti qoldaý úshin basqa da sharalar qoldanylady. Biznes salyq reformasynan zardap shekpeýge tiis", - dedi Toqaev.
Memleket basshysynyń pikirinshe, ondai jaǵdaidyń aldyn alý úshin Úkimet kásipkerlermen syndarly dialog júrgizýi qajet.
"Degenmen ekonomikalyq reformalardy múlde toqtatýǵa bolmaidy, qanshalyqty qiyn bolsa da, oń ózgeristerdi mindetti túrde júzege asyrýymyz kerek. Áitpese bárimiz jappai quldyraýǵa ushyraýymyz ábden múmkin. Memleket, biznes jáne jalpy qoǵam kúsh biriktirgende ǵana Ádiletti Qazaqstandy qura alamyz. Elimiz eńsesin tiktedi, aiaǵyna nyq turdy. Ekonomikada oń qarqyn baiqalady. Halyqaralyq qarjy institýttary tarapynan joǵary nesie reitingin ielenip jatyr. Ekonomika damýynyń negizgi kórsetkishi – halyqtyń ál-aýqaty men turmys sapasynyń artýy. Bul – meniń berik ustanymym", - dedi Memleket basshysy.
