Qasym-Jomart Toqaev ult retinde biik belesterdi baǵyndyramyz desek, halqymyzdyń aýyzbirshiligi myqty bolýy kerek ekenin málimdedi, - dep habarlaidy Dalanews.kz.
"Tórteý túgel bolsa, tóbedegi keledi" degen. Biz ult retinde biik belesterdi baǵyndyramyz desek, eń aldymen, halqymyzdyń aýyzbirshiligi myqty bolýy kerek, azamattarymyz birin-biri syilap, qurmetteýi qajet.
Bir eldiń ishinde ómir súrip, bir jerde turyp, janjalǵa, urys-keriske jol berýge bolmaidy. Bireýdiń eńbegin joqqa shyǵarý, ne bolmasa oi-pikirin keleke etý, basqa adamdy qaralaý – ozyq, órkenietti qoǵamǵa jat qylyq, tipti, uiat nárse, ondai áreketter úshin qoǵam jáne zań aldynda jaýap berýge týra keledi", - dedi Prezident.
Memleket basshysy keiingi kezde qoǵamda jaǵymsyz úrdis beleń alǵanyn aitty.
"Ǵalamtor jelisinde bir taqyryptan bastalǵan talqylaý bitpeitin pikirtalasqa ulasyp ketedi, tipti, bul qubylys "asa qaýipti qoǵamdyq dert" degen osyndai túsinik, uǵym paida boldy. Mundai dertten qutylýymyz kerek", - dep túiindedi Prezident.
