Meirambek «juldyz» aýrýyna ushyraǵan jastardy soiyp saldy
– Qansha talantty bolsyn, qandai aspandaǵy juldyz bolsyn adamgershilikke, tárbiege kelip tireledi. Kenen atam: «Jamannan jaqsy týsa da, jaqsydan jaman týsa da, túbi tartpai qoimas negizge», – deidi. Túbi qalpy durys bolmasa, ol báribir bir jerden shyǵyp turady. Qazirgi jastarǵa tárbie, tártiptiń jetispeýshiliginen shyǵar dep oilaimyn. Onyń ústine, baqty kótere alatyn, kótere almaityn jandar bar. Aiaq astynan baǵy janyp ketken kezde adam ózi túsinbei qalýy múmkin. Planetaǵa syimai ketip jatqan jastardy kórip júrmiz, ókinishke qarai. Biraq báribir ony Alla Taǵala táýbesine keltiredi. Ony adam balasy, týǵan-týysy keltire almaidy. Qalai quiyldy, solai ketedi. Ait-aitpa báribir eken, Alla ózi retke keltiredi, – deidi Meirambek.
Besbaev bir kezderi óziniń de basyna berilgen baqty kótere almai ketkenin eske aldy. Alaida týra jolǵa qaita túsýime ustazym Altynbek Qorazbaevtyń kómegi kóp tidi, deidi ánshi.
– Altynbek Qorazbaevtyń qasynda júrgennen keiin shyǵar, kóp nárseden ózimdi tejep otyrǵanym. Bala kúnimde óńsheń juldyzdardyń ortasyna túse salý maǵan da ońai tigen joq. Búkil mektepte tanyp jatady, keide sabaq oqymaǵan kezde muǵalimder de kóz juma qaraityn. Sonyń bári minezime keri áser etken tustary boldy. Biraq kókemniń arqasynda túzeldim dep aitýǵa bolady, – deidi Meirambek.
