Almaty oblysynda Panfılov aýyldyq okrýginiń ákimi Dýlat Dáýletálıev jol apatyna túsýi oqıǵasynan keıin qylmystyq is qozǵaldy, dep habarlaıdy Dalanews.kz.

Bul týraly polısıa departamenti habarlady. 

«Talǵar aýdany ákiminiń apparaty Panfılov aýyldyq okrýginiń ákimi qatysqan jol-kólik oqıǵasy faktisi boıynsha sotqa deıingi tergeý júrip jatqanyn habarlaıdy. Qazirgi ýaqytta memlekettik qyzmetshi eńbek demalysynda (aýrýhana tiziminde), sondyqtan qyzmettik tekseris ýaqytsha júrgizilmeı otyr.

Prosesýaldyq is-sharalar aıaqtalǵan soń jáne memlekettik qyzmetshi jumysqa oralǵannan keıin oǵan qatysty tártiptik shara qoldaný máselesi Ádep keńesinde qaralatyn bolady», – dep jaýap berdi juma kúni Kaztagtyń resmı saýalyna Almaty oblysy ákiminiń baspasóz qyzmeti.

Eske salaıyq, bul oqıǵa týraly alǵash bolyp Dalanews.kz redaksıasy habarlaǵan bolatyn. 

Buǵan deıin bizdiń redaksıamyzǵa Narynqol tasjolynda jol apaty bolǵany týraly aqparat tústi. Ondaǵy aqparat boıynsha, kólikte Panfılov aýyldyq okrýginiń ákimi Dýlat Dáýletálıev otyrǵan. 

"Kóliktegi adamdar ań aýlaýǵa shyqqan. Bireýi qaıtys bolǵan, úsheýi aýrýhanada", - delingen Dalanews redaksıasyna túsken aqparatta. 

Dalanews.kz tilshileri Dýlat Dáýletálıev Almaty oblystyq klınıkalyq aýrýhanasyna aýystyrylǵanyn anyqtady. Jaǵdaıy dınamıkada jaqsarǵan. Barlyq medısınalyq kómek kórsetilgen.