Almatyda Q.I.Sátbaev atyndaǵy Qazaq ulttyq tehnikalyq zertteý ýniversitetiniń (Satbayev University) korporativtik basqarý jáne strategiialyq josparlaý jónindegi prorektory Erjan Kúldeev ustaldy. Ol jemqorlyq qylmysyna qatysy bar degen kúdikke ilindi, dep habarlaidy dalanews.kz.
Bul týraly jýrnalist Mihail Kozachkov jazdy. Erjan Kúldeev – oqý ornynyń tanymal ókilderiniń biri. Ol shamamen 40 jyl buryn atalǵan ýniversitetke stýdent bolyp túsip, keiin osy bilim ordasynda qyzmet atqaryp, oqytýshylyq jáne basshylyq laýazymdarda jumys istegen. Keiin korporativtik basqarý jáne strategiialyq josparlaý jónindegi prorektor qyzmetine deiin kóterilgen.
Sondai-aq onyń ǵylym salasyndaǵy jetistikteri de az emes. Erjan Kúldeev – ál-Farabi atyndaǵy Qazaqstan Respýblikasynyń ǵylym jáne tehnika salasyndaǵy memlekettik syilyǵynyń laýreaty, tehnika ǵylymdarynyń kandidaty, professor, akademik ári Halyqaralyq injenerlik akademiianyń korrespondent-múshesi.
Derekkóz málimetinshe, 2026 jylǵy 7 qyrkúiekten bastap Erjan Kúldeev qylmystyq is boiynsha kúdikti retinde tanylǵan. Aldyn ala aqparatqa sáikes, onyń áreketi para berý baby boiynsha saralanyp otyr. Tergeýdi Ulttyq qaýipsizdik komitetiniń Sybailas jemqorlyqqa qarsy is-qimyl qyzmeti júrgizýde.
Sonymen qatar is aiasynda kúdiktige basqa da baptar boiynsha aiyp taǵylýy múmkin ekeni aitylyp otyr.
Aita keteiik, 2026 jyldyń sáýir aiynda Erjan Kúldeev ǵylym salasyndaǵy iri jetistikteri men joǵary bilimdi damytýǵa qosqan eleýli úlesi úshin «Qurmet» ordenimen marapattalǵan bolatyn.
