Qazaqstan ulttyq quramasynyń ókili Milad Karimi Japoniianyń Aichi-Nagoia qalalarynda ótip jatqan XX jazǵy Aziia oiyndarynyń kúmis júldegeri atandy, dep habarlaidy dalanews.kz.
Qazaqstandyq gimnast sporttyq gimnastikadan erler arasyndaǵy erkin jattyǵýdyń finalynda sátti óner kórsetip, qorytyndy esepte ekinshi oryn aldy.
Osylaisha, Qazaqstan 32 jyldan keiin Aziia oiyndarynda osy baǵdarlama boiynsha qaitadan kúmis medal jeńip aldy. Buǵan deiin qazaqstandyq gimnast erler arasyndaǵy erkin jattyǵýda 1994 jyly Hirosimada ótken Aziia oiyndarynda ekinshi oryn alǵan bolatyn. Ol kezde Sergei Fedorchenko kúmis júldege qol jetkizgen edi.
Milad Karimi úshin bul - Aziia oiyndarynda erkin jattyǵýdan jeńip alǵan alǵashqy medal. 2018 jyly Djakartada ótken Aziia oiyndarynda ol osy baǵdarlamada besinshi oryn alǵan bolatyn.
Milad Karimi - Qazaqstan ulttyq quramasynyń kóshbasshy gimnastarynyń biri. Ol Olimpiada oiyndary, álem jáne Aziia chempionattarynda, iri halyqaralyq jarystarda elimizdiń namysyn birneshe ret qorǵady.
