Túrkistan oblysynda aiyptalýshy aýrýhanadan qashyp ketti, dep habarlaidy Dalanews.kz.
Túrkistan oblysynyń politsiia departamentiniń málimetinshe, emdeý mekemesinde jatqan kúdikti qamaýdan qashyp ketken. Oqiǵa 23 qazanda bolǵan.
Qashqynǵa izdeý jariialanyp, oblys boiynsha barlyq jeke quram jumyldyrylǵan. Baqylaý beketteri qoiylyp, jedel-izdestirý sharalary júrgizilip jatyr.
Sonymen qatar, aiyptalýshyny kúzetke alý men jetkizýge jaýapty qyzmetkerlerge qatysty qyzmettik tergeý bastalǵan.
Departament ókilderi kinálilerge eń qatań shara qoldanylatynyn málimdedi.
Bul jaǵdai oblystyq politsiia basshylyǵynyń jeke baqylaýynda ekeni atap ótildi.
