تۇركىستان وبلىسىندا ايىپتالۋشى اۋرۋحانادان قاشىپ كەتتى، دەپ حابارلايدى Dalanews.kz.
تۇركىستان وبلىسىنىڭ پوليسيا دەپارتامەنتىنىڭ مالىمەتىنشە، ەمدەۋ مەكەمەسىندە جاتقان كۇدىكتى قاماۋدان قاشىپ كەتكەن. وقيعا 23 قازاندا بولعان.
قاشقىنعا ىزدەۋ جاريالانىپ، وبلىس بويىنشا بارلىق جەكە قۇرام جۇمىلدىرىلعان. باقىلاۋ بەكەتتەرى قويىلىپ، جەدەل-ىزدەستىرۋ شارالارى جۇرگىزىلىپ جاتىر.
سونىمەن قاتار، ايىپتالۋشىنى كۇزەتكە الۋ مەن جەتكىزۋگە جاۋاپتى قىزمەتكەرلەرگە قاتىستى قىزمەتتىك تەرگەۋ باستالعان.
دەپارتامەنت وكىلدەرى كىنالىلەرگە ەڭ قاتاڭ شارا قولدانىلاتىنىن مالىمدەدى.
بۇل جاعداي وبلىستىق پوليسيا باسشىلىعىنىڭ جەكە باقىلاۋىندا ەكەنى اتاپ ءوتىلدى.
