M.Túsipbaeva: "Qazaqsha bilmeitin Baiannyń qazaqsha film túsiretin deńgeii joq"
Budan keiin Túsipbaeva únsiz qaldy. 31 arnanyń “Aita bersin” baǵdarlamasyna bergen suhbatynda ol alǵashqy oiynan ainymaitynyn málimdedi, dep jazady Stan.kz.
– Men memlekettiń eńbek sińirgen qairatkerimin. Qudaiǵa shúkir, elge sińgen eńbegim barshylyq. Prezidentimizdiń ózi qol qoiǵan, ol qazir Halyq artisi degen ataqqa teńestirilgen. Ol Baian ba, saian ba, qoian ba, bai ma, kedei me, tanymal ma, tanymal emes pe – maǵan báribir. Men óz pikirimdi bildirýge quqylymyn, – dep bastady sózin Túsipbaeva.
Ánshi daýdyń nemen aiaqtalǵanyn da aityp berdi.
– Solai ǵana qaldy. Eki hat jazyldy. Prodiýser hanym ony eki áieldiń ortasyndaǵy kikiljiń retinde shyǵarǵysy keledi. Biraq másele onda emes. Bul ulttyq múdde týraly másele. Basty rólde ákim orynbasarynyń qyzy, kirpikti jabystyryp alǵan, ol tipti qazaq tilin durys meńgermegen. Sen Qodarǵa turmysqa shyǵasyń dese telehikaiada: “Óziń ti”, – dep aitady eken. Qazir 21 ǵasyr bolsa da, men olai dep anama aita almas edim, – dep synǵa aldy ánshi.
Budan ózge, Túsipbaeva Alagózovanyń taǵy bir ótirigin áshkereledi. Aitýynsha, Baian Maqsatqyzy ózi aitqandai qosymsha kórinisterde boi kórsetken jastarǵa aqsha bermegen. Aqshany bylai qoiǵanda, bir aýyz sýǵa zar qylǵan, deidi ashynǵan ánshi.
– 54 million teńge – siz ben bizdiń salyǵymyzdan jinalǵan aqsha. Oǵan jaýap berýi kerek. Ol kisi massovkada úsh ret tamaqtandyrdyq, aqsha tóledik dep aityp jatyr. Biraq sol massovkadaǵy jastar maǵan hat jazdy. Aqsha túgili, sý da bermegen. Ony qoparsa, áńgime kóp. Taǵy da aita keteiin, Baian Alagózova bálkim tamasha prodiýser shyǵar. Traktorshylar, siyrlar týraly film túsire beredi. Biraq qazaq tilin jetik meńgermegen prodiýser bizdiń ata-babamyzdan qalǵan ulttyq múddemiz “Qozy Kórpesh – Baian Sulý” eposyn túsirýge onyń deńgeii jetken joq. Eger muny eki áiel arasyndaǵy kikiljiń dep qabyldasańyzdar, bul sizderdiń saýatsyzdyqtaryńyz! – dep kesip aitty Túsipbaeva.
