Jambyl oblysynyń Baizaq aýylynda kámeletke tolmaǵandar arasyndaǵy janjaldan keiin 15 jastaǵy jasóspirim kóz jumdy, dep habarlaidy dalanews.kz.
Oblystyq bilim basqarmasynyń málimetinshe, oqiǵa 3 qazan kúni saǵat 22:00 shamasynda bolǵan. Jasóspirimder arasyndaǵy janjal kezinde 2011 jyly týǵan bala dene jaraqatyn alyp, keiin qaitys bolǵan.
Oqiǵaǵa qatysy bar ekinshi kámeletke tolmaǵan bala ustalyp, politsiia bólimine jetkizildi.
Jambyl oblysynyń politsiia departamenti kúdiktiniń ýaqytsha ustaý izoliatoryna qamalǵanyn habarlady.
Atalǵan fakti boiynsha Qylmystyq kodekstiń 106-babynyń 3-bóligimen, iaǵni abaisyzda jábirlenýshiniń ólimine ákep soqqan qasaqana aýyr ziian keltirý faktisi boiynsha sotqa deiingi tergeý bastaldy.
Qazir tergeý júrip jatyr. Is oblystyq politsiia departamenti basshylyǵynyń baqylaýynda.
