Qaraǵandyda páter jalǵa beremin dep stýdentterden aldyn ala tólem alyp, keiin bailanysyn úzgen áiel ustaldy, dep habarlaidy dalanews.kz.
Qaraǵandy oblysynyń politsiia departamenti málimetinshe, 32 jastaǵy qala turǵyny áleýmettik jelilerde arzan páterlerdi jalǵa berý týraly jalǵan habarlandyrýlar jariialaǵan.
Kúdikti internetten alynǵan páterlerdiń sýretterin paidalanyp, stýdentterdi qyzyqtyrǵan. Aldyn ala tólem alǵannan keiin olarmen bailanysyn úzgen.
Politsiia qazirdiń ózinde alaiaqtyqtyń 10 epizodyn anyqtaǵan. Keltirilgen shyǵyn kólemi 2,3 mln teńgeden asady.
«Zardap shekkenderdiń sany budan da kóp bolýy múmkin. Qazir tekserý júrgizilip jatyr», – dep habarlady politsiia.
Qazirgi ýaqytta kúdikti ustaldy. Oǵan qatysty tergeý amaldary júrgizilýde.
