General-maior Marǵulan Amanbaev Qazaqstannyń Tótenshe jaǵdailar ministrligi apparat basshysy qyzmetine taǵaiyndaldy, dep habarlaidy dalanews.kz.
Tiisti buiryqqa Tótenshe jaǵdailar ministri qol qoiǵan.
Marǵulan Amanbaev 1973 jylǵy 20 qańtarda Ulytaý oblysynyń Jańaarqa aýdanynda dúniege kelgen. Eki joǵary bilimi bar. 1995 jyly Jezqazǵan taý-ken tehnologiialyq institýtyn, 2007 jyly QR Tótenshe jaǵdailar ministrliginiń Kókshetaý tehnikalyq institýtyn támamdaǵan. II dárejeli «Aibyn» ordenimen marapattalǵan.
Azamattyq qorǵaý organdaryndaǵy qyzmetin 2000 jyly Astanadaǵy Memlekettik órtke qarsy qyzmettiń №8 órt sóndirý bóliminde injener bolyp bastaǵan. Keiin elordalyq garnizonda túrli basshylyq qyzmetter atqardy.
2020 jyly Aqtóbe oblysy Tótenshe jaǵdailar departamentiniń bastyǵy bolyp taǵaiyndaldy. 2023 jyldan bastap TJM Órtke qarsy qyzmet komiteti tóraǵasynyń orynbasary qyzmetin atqardy.
2024 jylǵy qyrkúiekte Qaraǵandy oblysynyń Tótenshe jaǵdailar departamentin basqardy.
TJM málimetinshe, qyzmet jyldarynda Marǵulan Amanbaev azamattyq qorǵaý júiesin damytýǵa, tótenshe jaǵdailardyń aldyn alý jáne olardyń saldaryn joiý jumystaryn jetildirýge, sondai-aq halyqtyń qaýipsizdigin qamtamasyz etýge úles qosqan.
