Qostanaılyq AFC Allur fýtbol klýby SOCCA Champions League 2025 saıysynda qola medal ıelenip, Qazaqstannyń dańqyn asyrdy. Týrnır 17 jáne 20 qazan aralyǵynda Grekıanyń Retımno qalasynda ótti. Oǵan 4 qurlyq jáne 35 el, 80 qaladan jınalǵan 106 komanda qatysty.
– Polshalyq FC Lowcy-men teń oıyn (3:3);
– ACS Dream Team Gorj (Rýmynıa) komandasyn 4:0 jáne San Antonio (Grekıa) komandasyn 2:1 esebimen jeńdi.
Pleı-off kezeńinde komanda joǵary oıyn deńgeıin kórsetti:
– 1/16 fınalda eki dúrkin chempıon atanǵan Victory (Horvatıa) komandasyn 3:0 esebimen;
– 1/8 fınalda Archivarul (Rýmynıa) komandasyn 4:2 esebimen;
– Shırek fınalda býllıtterdiń otty serıasynda Vengrıanyń úzdik klýby The Private Rooftop-ty 0:0 (býllıtter boıynsha 2:1) esebimen shań qaptyrdy.
Dál osy machty komentatorlar "SOCCA tarıhyndaǵy eń keremet býllıtter serıasy" dep ataǵan. Kezdesýde qaqpashy Erkinbek Aqbulan qarsylas komanda oıynshylarymen 6 ret betpe-bet kelip, 5 soqqyny qaıtardy. Osylaısha qazaqstandyq qaqpashy oıynnyń juldyzy atandy.
Jartylaı fınalda AFC Allur germanıalyq Eintracht Spandau klýbymen kezdesip, oıyn boıy aıqyn basymdyq tanytty. Alaıda qarsylastyń jalǵyz kontrshabýyly men alańdaǵy altynshy oıynshynyń qaýipti shabýylynan keıin 0:2 esebimen ese jiberdi.
Rýmynıalyq Tazmannschaft klýbyna qarsy úshinshi oryn úshin talas naǵyz trıllerge aınaldy.
Dıas Eginjanov, Oljas Taıbasarov pen Aleksandr Sergeıchýktyń goldary esepti teńestirdi (3:3). Al sheshýshi býllıtter serıasynda Aqbulan taǵy da kózge túsip, qarsylastyń 4 soqqysyn da qaıtardy. Al sheshýshi soqqyny Ǵalym Raıhanov jasap, Qazaqstan qolaǵa qol jetkizdi.
Týrnır qorytyndysy boıynsha Erkinbek Aqbulan álemniń úzdik qaqpashysy atandy.
AFC Allur SOCCA Champions League týrnırinde byltyr da qola ıelengen edi. Al 2023 jáne 2024 jyldary Ispanıada ótken fýtzaldan álem birinshiliginde jeńimpaz jáne kúmis júldeger atanǵan.
2026 jyly AFC Allur klýby 10 jyldyǵyn atap ótedi. Keler jyly klýb bazasynda SOCCA-dan Eýropa Chempıonatyna qatysý úshin Qazaqstan quramasyn jasaqtaý josparlanyp otyr.
Sonymen qatar Qazaqstandaǵy SOCCA 6h6 resmı chempıonaty – Astana Futbol Ligasy-da da oıyndar ótkizedi.
AFC Allur – josparly jumys pen bıznestiń qoldaýy qazaqstandyq jigitterdiń armanyn shyndyqqa aınaldyra alatynyn, al elimizdiń týy bıikte jelbireıtininiń aıqyn kórinisi.
AFC Allur quramyndaǵy oıynshylar:
– Alekseı Zabogonskıı
– Nurálem Baıdýlla
– Aqbulan Erkinbek
– Islambek Qulekenov
– Aleksandr Kıslısyn
– Ǵalym Raıhanov
– Islam Nartbaev
– Nursultan Shabdanov
– Aleksandr Sergeıchýk
– Dıas Eginjanov
– Anarbek Melisbek
– Oljas Taıbasarov
– Nurgeldi Shaken
– Maqsat Ótegenov
Bas jattyqtyrýshy: Danıar Kenjeǵulov
Komanda jetekshisi: Stanıslav O-Ún-Bem.
