قوستانايلىق AFC Allur فۋتبول كلۋبى SOCCA Champions League 2025 سايىسىندا قولا مەدال يەلەنٸپ, قازاقستاننىڭ داڭقىن اسىردى. تۋرنير 17 جەنە 20 قازان ارالىعىندا گرەكييانىڭ رەتيمنو قالاسىندا ٶتتٸ. وعان 4 قۇرلىق جەنە 35 ەل, 80 قالادان جينالعان 106 كوماندا قاتىستى.
– پولشالىق FC Lowcy-مەن تەڭ ويىن (3:3);
– ACS Dream Team Gorj (رۋمىنييا) كومانداسىن 4:0 جەنە San Antonio (گرەكييا) كومانداسىن 2:1 ەسەبٸمەن جەڭدٸ.
پلەي-وفف كەزەڭٸندە كوماندا جوعارى ويىن دەڭگەيٸن كٶرسەتتٸ:
– 1/16 فينالدا ەكٸ دٷركٸن چەمپيون اتانعان Victory (حورۆاتييا) كومانداسىن 3:0 ەسەبٸمەن;
– 1/8 فينالدا Archivarul (رۋمىنييا) كومانداسىن 4:2 ەسەبٸمەن;
– شيرەك فينالدا بۋلليتتەردٸڭ وتتى سەريياسىندا ۆەنگرييانىڭ ٷزدٸك كلۋبى The Private Rooftop-تى 0:0 (بۋلليتتەر بويىنشا 2:1) ەسەبٸمەن شاڭ قاپتىردى.
دەل وسى ماچتى كوممەنتاتورلار "SOCCA تاريحىنداعى ەڭ كەرەمەت بۋلليتتەر سەريياسى" دەپ اتاعان. كەزدەسۋدە قاقپاشى ەركٸنبەك اقبۇلان قارسىلاس كوماندا ويىنشىلارىمەن 6 رەت بەتپە-بەت كەلٸپ, 5 سوققىنى قايتاردى. وسىلايشا قازاقستاندىق قاقپاشى ويىننىڭ جۇلدىزى اتاندى.
جارتىلاي فينالدا AFC Allur گەرمانييالىق Eintracht Spandau كلۋبىمەن كەزدەسٸپ, ويىن بويى ايقىن باسىمدىق تانىتتى. الايدا قارسىلاستىڭ جالعىز كونترشابۋىلى مەن الاڭداعى التىنشى ويىنشىنىڭ قاۋٸپتٸ شابۋىلىنان كەيٸن 0:2 ەسەبٸمەن ەسە جٸبەردٸ.
رۋمىنييالىق Tazmannschaft كلۋبىنا قارسى ٷشٸنشٸ ورىن ٷشٸن تالاس ناعىز تريللەرگە اينالدى.
دياس ەگٸنجانوۆ, ولجاس تايباساروۆ پەن الەكساندر سەرگەيچۋكتىڭ گولدارى ەسەپتٸ تەڭەستٸردٸ (3:3). ال شەشۋشٸ بۋلليتتەر سەريياسىندا اقبۇلان تاعى دا كٶزگە تٷسٸپ, قارسىلاستىڭ 4 سوققىسىن دا قايتاردى. ال شەشۋشٸ سوققىنى عالىم رايحانوۆ جاساپ, قازاقستان قولاعا قول جەتكٸزدٸ.
تۋرنير قورىتىندىسى بويىنشا ەركٸنبەك اقبۇلان ەلەمنٸڭ ٷزدٸك قاقپاشىسى اتاندى.
AFC Allur SOCCA Champions League تۋرنيرٸندە بىلتىر دا قولا يەلەنگەن ەدٸ. ال 2023 جەنە 2024 جىلدارى يسپانييادا ٶتكەن فۋتزالدان ەلەم بٸرٸنشٸلٸگٸندە جەڭٸمپاز جەنە كٷمٸس جٷلدەگەر اتانعان.
2026 جىلى AFC Allur كلۋبى 10 جىلدىعىن اتاپ ٶتەدٸ. كەلەر جىلى كلۋب بازاسىندا SOCCA-دان ەۋروپا چەمپيوناتىنا قاتىسۋ ٷشٸن قازاقستان قۇراماسىن جاساقتاۋ جوسپارلانىپ وتىر.
سونىمەن قاتار قازاقستانداعى SOCCA 6ح6 رەسمي چەمپيوناتى – Astana Futbol Ligasy-دا دا ويىندار ٶتكٸزەدٸ.
AFC Allur – جوسپارلى جۇمىس پەن بيزنەستٸڭ قولداۋى قازاقستاندىق جٸگٸتتەردٸڭ ارمانىن شىندىققا اينالدىرا الاتىنىن, ال ەلٸمٸزدٸڭ تۋى بيٸكتە جەلبٸرەيتٸنٸنٸڭ ايقىن كٶرٸنٸسٸ.
AFC Allur قۇرامىنداعى ويىنشىلار:
– الەكسەي زابوگونسكيي
– نۇرەلەم بايدۋللا
– اقبۇلان ەركٸنبەك
– يسلامبەك قۇلەكەنوۆ
– الەكساندر كيسليتسىن
– عالىم رايحانوۆ
– يسلام نارتباەۆ
– نۇرسۇلتان شابدانوۆ
– الەكساندر سەرگەيچۋك
– دياس ەگٸنجانوۆ
– اناربەك مەلٸسبەك
– ولجاس تايباساروۆ
– نۇرگەلدٸ شاكەن
– ماقسات ٶتەگەنوۆ
باس جاتتىقتىرۋشى: دانييار كەنجەعۇلوۆ
كوماندا جەتەكشٸسٸ: ستانيسلاۆ و-يۋن-بەم.
