Yandex Qazaqstan ornyqty damý salasyndaǵy jańa esebin usyndy. Esepte áleýmettik máselelerdi sheshýge kómektesetin jobalar, atap aitqanda IT-mamandardy daiyndaý men qoljetimdi ári inkliýzivti orta qurýdan bastap qalalyq infraqurylymdy damytý jáne bizneske arnalǵan sheshimderge deiin sipattalǵan. Yandex Qazaqstan servisteri júzdegen myń qazaqstandyqqa tabys tabatyn múmkindikter syilap otyrǵandyqtan, kompaniia seriktesteriniń áleýmettik turǵydan qorǵalýyn arttyrýǵa erekshe kóńil bóledi. Mysaly, 2025 jyldyń shildesinde Iandeks Taksimen seriktestikte jumys isteitin 85 myń júrgizýshi meditsinalyq saqtandyrýǵa, áleýmettik tólemderge jáne zeinetaqyǵa quqyq aldy, dep habarlaidy Dalanews.kz.
Qoǵamǵa arnalǵan bilim jáne tehnologiialardy damytý
Yandex Qazaqstan basymdyqtarynyń biri – IT-bilim berýdi damytý bolyp qala beredi. 2017 jyldan bastap kompaniianyń Baǵdarlamalaý mektebi 14 jastan 17 jasqa deiingi 390-nan astam balany oqytty. Tegin kýrstar Qazaqstannyń alty qalasynda ótkiziledi jáne olardy tájiribeli baǵdarlamalaýshylar men bilikti oqytýshylar júrgizedi. 2025 jyly 2,3 myńnan astam oqýshy qyz jyl saiyn kompaniia qoldaý kórsetetin halyqaralyq Technovation Girls baǵdarlamasyna qatysty. Baǵdarlama qyzdardy STEM-baǵyttarǵa – ǵylym, tehnologiia, injeneriia jáne matematika salasyndaǵy mamandyqtarǵa tartýǵa baǵyttalǵan.
Bilim berý bastamalaryn damyta otyryp kompaniia bilimge degen qoljetimdilikti keńeitýge kómektesetin tehnologiialardy engizýde. Mysaly, Neiromen biriktirilgen Iandeks Poisk, izdeý jáne generativti tehnologiialardy úilestire otyryp, jai ǵana siltemeler tizimin bermeidi, kerisinshe kúrdeli suraqtarǵa túsinikti jaýaptar qalyptastyryp, mańyzdysyn bólip kórsetedi. Neiro iske qosylǵannan beri osy optsiiany kúnine kem degende bir ret qoldanatyn qoldanýshylar sany 69%-ǵa ósti, al suranystar sany 49%-ǵa artty. Bul rette Qazaqstanda Neiroǵa kún saiyn qoiylatyn suraqtardyń shamamen úshten biri bilim berý taqyrybyna arnalǵan.
2024 jyly kompaniia Yandex Cloud negizinde Qoǵamdyq tehnologiialar ortalyǵyn iske qosty. Alǵashqy jobalardyń biri ekologiia baǵytyna arnalǵan – bul qar barystaryn baqylaýǵa arnalǵan neirojeli. Jasandy intellekt milliondaǵan fototuzaq sýretin óńdep, ǵalym-zoologtardyń zertteý jumysyn jeńildetedi. Bilim berý baǵytynda ortalyq joǵary oqý oryndaryna qoldaý kórsetip, ǵylymi-zertteý jumystary men oqý jobalary úshin bulttyq resýrstardy usynady. Seriktester qatarynda – Satbayev University, QBTÝ (Qazaq-Britan Tehnikalyq Ýniversiteti), Astana halyqaralyq ýniversiteti bar.
Platformalyq jumyspen qamtý jáne seriktesterdi qorǵaý
Kompaniia úshin ornyqty damý salasyndaǵy taǵy bir mańyzdy baǵyt – platformalyq jumyspen qamtý. Búginde Iandeks Go-men 845 myńnan astam júrgizýshi jáne kýrer seriktestikte jumys istep otyr. 2025 jyldyń shildesinde kompaniia Iandeks Go-dyń Taksi, Taǵam jáne Jetkizý servisterinde tapsyrystardy oryndaityn 85 myń jeke kásipker úshin salyq agenti boldy. 2025 jyldyń qazanynda bul kórsetkish 105 myń adamdy qurady. Kompaniia seriktesterdiń salyǵy men áleýmettik jarnalardy esepteýdi jáne tóleýdi óz moinyna aldy. Bul olarǵa áleýmettik qorǵalýǵa jáne meditsinalyq saqtandyrýǵa qol jetkizýge múmkindik berdi.
Qalalyq infraqurylym
Yandex Qazaqstan qalalyq infraqurylym úshin de tsifrlyq sheshimder ázirleidi. Qostanai men Qaraǵandy júrgizýshileri Iandeks Kartalardaǵy baǵdarshamdardyń signaldaryn kóredi jáne joldaǵy qaýipti jerler týraly daýystyq eskertýler alady, al Astana, Qostanai jáne Aqtóbe turǵyndary úshin óte aýyr jaǵdaida jedel járdemniń qozǵalysyn baqylaý múmkindigi qoljetimdi – bul brigadanyń kelý ýaqytyn surap, dispetcherlerge qońyraý shalý sanyn azaitady.
Tsifrlyq qoljetimdilik
Tsifrlyq qoljetimdilikti damyta otyryp, kompaniia Eńbek jáne halyqty áleýmettik qorǵaý ministrligimen birlesken jobalardy iske asyrýda. Sonyń biri – «Invataksi». 2024 jyly «Invataksi» qoldanýshylary 140 myńnan astam sapar jasady, al 2025 jyldyń birinshi jartyjyldyǵynda bul kórsetkish 231 myń saparǵa jetti. Kompaniianyń jobaǵa salǵan investitsiia kólemi 408 million teńgeden asty.
Yandex Qazaqstan, sonymen qatar, tsifrlyq qoljetimdilikti arttyratyn jeke sheshimderin de ázirleidi. "Aqyldy kamera" zattar men mátinderdi tanidy jáne nashar kóretin qoldanýshylarǵa keńistikte baǵdar jasaýǵa kómektesedi. Iandeks Áńgimelesý qosymshasy sóileý men mátindi eki jaqty aýdarýdy qamtamasyz etedi jáne sańyraýlar men estitin adamdardyń qarym-qatynasyna kómektesedi. Al Iandeks Kartalarda Qazaqstannyń 2 429 eldi mekenindegi 79,1 myń uiym kartochkasynda júrip-turýy nashar adamdarǵa arnalǵan nysandardyń qoljetimdiligi týraly derekter bar.
Iandeks Pro qosymshasy estý qabileti nashar júrgizýshilerge beiimdelgen, jekelei alǵanda vizýaldy habarlandyrýlar, jolaýshylarmen chat jáne ymdaý tilindegi oqý materialdary qosylǵan.
Qazaq tili men mádenietin damytý
Yandex Qazaqstan qazaq tili jáne qazaqstandyq mádeniettiń tsifrlyq taralýyn qoldaidy. Búgingi tańda negizgi servister tolyǵymen qazaq tilinde qoljetimdi jáne Poisktegi suranystardyń shamamen 27%-y qazaq tilinde jasalady.
Virtýaldy kómekshi Alisa da qazaq tilin túsinedi, qazaqsha sóileidi. Maýsym aiynyń sońyna qarai Alisadaǵy qazaq tilindegi suranystar sany ótken jyldyń sáikes kezeńimen salystyrǵanda 70%-ǵa ósti.
Shyǵarmashylyq indýstriiany damytý baǵytynda jergilikti oryndaýshylarǵa aýditoriia tabýǵa kómektesetin ISKRA Qazaqstan jobasy jáne «Meniń tolqynym» jeke usynystar taspasy iske qosyldy. KinoPoiskte paidalanýshylarǵa qazaqstandyq filmder men serialdardyń, al Iandeks Kitaptarda qazaqstandyq baspalardyń kitaptarynyń 5200-den astam ataýy qoljetimdi.
Biznesti qoldaý
Shaǵyn jáne orta bizneske Iandeks Karta jáne Iandeks Go servisteriniń jarnama jáne logistikany jeńildetýge baǵyttalǵan quraldary men múmkindikteri, sondai-aq Yandex Cloud platformasy qoljetimdi.
Yandex SpeechKit sóileýdi sintezdeý jáne taný servisi, sondai-aq Yandex SpeechSense til analitikasy servisi bailanys ortalyqtarynyń jumysyn avtomattandyrýǵa kómektesedi. Biyl sintezder kitaphanasy qazaqsha da, oryssha da, sondai-aq olardyń qospasynda da sóileitin eki jańa daýyspen tolyqtyryldy.
Kásipkerlik pen innovatsiiany qoldaý maqsatynda Yandex Qazaqstan 2024 jyldyń sońynda startaptarǵa arnalǵan baǵdarlamany iske qosty. Oǵan qatysýshylar Yandex Cloud-qa, Iandeks Karta API-yna jáne basqa da quraldarǵa jeńildigi bar qoljetimdilik alady. Budan basqa, Yandex Cloud bultty platformasynda Yandex Cloud Boost granttyq baǵdarlamasy bar. Munda 150-den astam kompaniia jobalardy iske qosý jáne aýqymyn keńeitý maqsatynda bultty servisterdi paidalanady.
Yandex Qazaqstan Qazaqstan turǵyndaryna arnalǵan ómir sapasyn arttyratyn jáne tehnologiialardy qoljetimdi etetin jobalar boiynsha jumysty jalǵastyrady.
Yandex Qazaqstan-nyń ornyqty damý salasyndaǵy tolyq esebi myna siltemeler boiynsha qoljetimdi: (qazaq tilindegi nusqa), (orys tilindegi nusqa).
