Qazannyń 23-24 kúnderi Respýblika kúnine jáne Qyzylorda qalasynyń Qazaq AKSR-ne astana bolǵanyna 100 jyl tolýyna orai, oblys ákiminiń qoldaýymen Shveitsariianyń Jeneva, Bern qalalarynda Syr ónerpazdarynyń kontserti ótti, dep habarlaidy Dalanews.kz.
Kontsertke Shveitsariiadaǵy sheteldik elshilikterdiń basshylary men qyzmetkerleri, ziialy qaýym ókilderi, Jeneva jáne Bern qalalaryndaǵy qazaq diasporasy, bilim alýshy stýdentter men jergilikti turǵyndar qatysty.
Mereke aiasynda oblysta aýqymdy mádeni-kópshilik sharalar uiymdastyrylǵany belgili, endi onyń legi shetelde de jalǵasýda.
Bul kontserttiń maqsaty – qazaq mádenietin, ulttyq ónerdi, Syr óńiriniń jyraýlyq dástúrin álemge tanytý. Oǵan ulttyq mýzykanyń jaýharlaryn tórtkúl dúniege pash etken halyq aspaptar, «Tomiris» bi ansamblderi, aitysker aqyn, úsh dúrkin «Altyn dombyra» iegeri M.Niiazov, «Qurmet» ordeniniń iegeri Ú.Medeýova, qazaq estradasynyń jaryq juldyzy Q.Meirambek, Mádeniet salasynyń úzdikteri A.Shaǵdatov, M.Maqulbekov, dástúrli oryndaýshylar Á.Qýańbaev, T.Ótenova, aitysker-aqyn B.Orynbasar, Halyqaralyq jáne respýblikalyq konkýrstardyń laýreattary M.Amanjolov, A.Shadaev, A.Mahambetjan, A.Ábdi, A.Tóreǵali jáne M.Jantóre, A.Shúkirov, J.Jumabek, J.Qaiypbergen, N.Rústemuly, Z.Nysanbaev, T.Aiapova qatysyp, óner kórsetti.
Gastroldik sapar aiasynda kórermenge kontserttik baǵdarlamamen qatar, qazaqtyń ulttyq taǵamdary, ulttyq naqyshta jasalǵan syi-siiapat usynyldy. Jurtshylyq tanym men taǵylymǵa toly kesh syilaǵany úshin syrboiylyq ónerpazdarǵa alǵys bildirdi.
Aita keteiik, osy jyly Naýryz merekesiniń tarihi jáne mádeni mańyzyn túsindirý, álem jurtshylyǵyna tanystyrý maqsatynda Ispaniia, Finliandiia, Estoniia memleketterinde Syr ónerpazdarynyń kontserti ótken bolatyn.
