Aqtóbe oblysynda 12 adam mert bolǵan jantúrshigerlik jol apatynan zardap shekkenderdiń jaǵdaiy belgili boldy, dep habarlaidy Dalanews.kz.
Oblystyq densaýlyq saqtaý basqarmasy málimetinshe, barlyǵy - 6 naýqas.
"Jol apatynan keiin olar Hromtaý aýdandyq aýrýhanasyna jatqyzyldy, oblys ortalyǵynan kelgen eki dárigerlik brigada em sharalaryn ótkizdi. Tańerteńgi konsiliým nátijesinde úsh naýqas Aqtóbege sanaviiatsiamen jetkizildi. Bireýi - 2009 jyly týǵan bala", - dedi vedomstvo ókili.
Eske salaiyq, 23 qazanda Samara – Shymkent tasjolynda, Belqopa aýylynyń mańynda DAF júk kóligi men GAZel jolaýshylar kóligi soqtyǵysty. Aldyn ala málimet boiynsha júk kóligi qarsy qozǵalys jolaǵyna shyǵyp ketken.
