Ақтөбе облысында 12 адам мерт болған жантүршігерлік жол апатынан зардап шеккендердің жағдайы белгілі болды, деп хабарлайды Dalanews.kz.
Облыстық денсаулық сақтау басқармасы мәліметінше, барлығы - 6 науқас.
"Жол апатынан кейін олар Хромтау аудандық ауруханасына жатқызылды, облыс орталығынан келген екі дәрігерлік бригада ем шараларын өткізді. Таңертеңгі консилиум нәтижесінде үш науқас Ақтөбеге санавияциамен жеткізілді. Біреуі - 2009 жылы туған бала", - деді ведомство өкілі.
Еске салайық, 23 қазанда Самара – Шымкент тасжолында, Белқопа ауылының маңында DAF жүк көлігі мен ГАЗель жолаушылар көлігі соқтығысты. Алдын ала мәлімет бойынша жүк көлігі қарсы қозғалыс жолағына шығып кеткен.
