Halyqaralyq zertteýshiler toby kólemi nebári 2×2 millimetr bolatyn neiroimplant jasap shyǵardy. Bul qurylǵy jasqa bailanysty makýlalyq degeneratsiia saldarynan kórý qabiletin tolyq joǵaltqan adamdarǵa da kórý múmkindigin qaitara alady, dep habarlaidy Dalanews.kz The New England Journal of Medicine (NEJM) ǵylymi jýrnalyna silteme jasap.
Qurylǵy qalai jumys isteidi
Miniatiýrlyq chip kózdiń tor qabyǵynyń astyna ornalastyrylady jáne arnaiy kózildirikke ornatylǵan kameramen birigip jumys isteidi. Kamera qorshaǵan ortanyń beinesin túsirip, ony signaldarǵa ainaldyrady. Bul signaldar tikelei kórý neirondaryna beriledi — osylaisha, mi qaitadan “kórýdi úirenedi”.
Zertteý nátijeleri
Zertteý barysynda 32 qatysýshy 12 ai boiy PRIMA júiesin paidalandy. Nátijesinde synaqqa qatysqandardyń 80%-ynda kórý qabiletinde klinikalyq turǵydan mańyzdy jaqsarýlar baiqaldy.
Degenmen, bastapqy kezeńde keibir janama áserler tirkelgenimen, olardy keiin joiýǵa múmkindik týdy.
Eýropada qashan paida bolady
Ǵalymdardyń aitýynsha, jańa implantat kelesi jyly Eýropalyq Odaq elderinde qoljetimdi bolýy múmkin.
