حالىقارالىق زەرتتەۋشىلەر توبى كولەمى نەبارى 2×2 ميلليمەتر بولاتىن نەيرويمپلانت جاساپ شىعاردى. بۇل قۇرىلعى جاسقا بايلانىستى ماكۋلالىق دەگەنەراسيا سالدارىنان كورۋ قابىلەتىن تولىق جوعالتقان ادامدارعا دا كورۋ مۇمكىندىگىن قايتارا الادى، دەپ حابارلايدى Dalanews.kz The New England Journal of Medicine (NEJM) عىلىمي جۋرنالىنا سىلتەمە جاساپ.

قۇرىلعى قالاي جۇمىس ىستەيدى

مينياتيۋرلىق چيپ كوزدىڭ تور قابىعىنىڭ استىنا ورنالاستىرىلادى جانە ارنايى كوزىلدىرىككە ورناتىلعان كامەرامەن بىرىگىپ جۇمىس ىستەيدى. كامەرا قورشاعان ورتانىڭ بەينەسىن ءتۇسىرىپ، ونى سيگنالدارعا اينالدىرادى. بۇل سيگنالدار تىكەلەي كورۋ نەيروندارىنا بەرىلەدى — وسىلايشا، مي قايتادان “كورۋدى ۇيرەنەدى”.

زەرتتەۋ ناتيجەلەرى

زەرتتەۋ بارىسىندا 32 قاتىسۋشى 12 اي بويى PRIMA جۇيەسىن پايدالاندى. ناتيجەسىندە سىناققا قاتىسقانداردىڭ 80%-ىندا كورۋ قابىلەتىندە كلينيكالىق تۇرعىدان ماڭىزدى جاقسارۋلار بايقالدى.

دەگەنمەن، باستاپقى كەزەڭدە كەيبىر جاناما اسەرلەر تىركەلگەنىمەن، ولاردى كەيىن جويۋعا مۇمكىندىك تۋدى.

ەۋروپادا قاشان پايدا بولادى

عالىمداردىڭ ايتۋىنشا، جاڭا يمپلانتات كەلەسى جىلى ەۋروپالىق وداق ەلدەرىندە قولجەتىمدى بولۋى مۇمكىن.