Qazaqstannyń soltústik-batysynda, soltústiginde jáne shyǵysynda jańbyr men qar jaýyp, kóktaiǵaq pen burqasyn bolýy múmkin, dep habarlaidy Dala News «Qazgidromet» RMK-ǵa silteme jasap.
Sinoptikterdiń málimetinshe, eldiń qalǵan bóliginde antitsiklonnyń áserinen jaýyn-shashynsyz aýa raiy saqtalady. Respýblika boiynsha jel kúsheiip, tuman túsedi. Ońtústik óńirlerde shańdy daýyl soǵýy yqtimal.
Astanada qubylmaly bultty bolady. Túnde jáne tańerteń jańbyr men qar jaýady. Ońtústik-batystan soǵatyn jel soltústik-batysqa aýysyp, sekýndyna 9–14 metrge jetedi, ekpini sekýndyna 15–20 metrge deiin kúsheiedi. Aýa temperatýrasy túnde jáne kúndiz +1…+3 gradýs bolady.
Almatyda qubylmaly bultty, jaýyn-shashynsyz. Soltústik-shyǵystan soǵatyn jeldiń jyldamdyǵy sekýndyna 3–8 metr bolady. Aýa temperatýrasy túnde +4…+6, kúndiz +18…+20 gradýsqa deiin kóteriledi.
Shymkentte qubylmaly bultty, jaýyn-shashynsyz. Soltústik-shyǵystan soǵatyn jeldiń jyldamdyǵy sekýndyna 8–13 metr bolady. Aýa temperatýrasy túnde +8…+10, kúndiz +21…+23 gradýs bolady.
Aqmola oblysynda túnde óńirdiń barlyq aýmaǵynda, kúndiz soltústigi men shyǵysynda jańbyr men qar jaýady. Aýa temperatýrasy kúndiz jáne túnde +0…+5 gradýs bolady.
Ulytaý oblysynda jaýyn-shashyn kútilmeidi. Kúndiz +5…+10, túnde +2…+7 gradýs bolady.
Qaraǵandy oblysynyń soltústigi men shyǵysynda tańerteń jáne kúndiz jańbyr men qar jaýady. Aýa temperatýrasy kúndiz jáne túnde +2…+7 gradýs bolady.
Batys Qazaqstan oblysynda jaýyn-shashynsyz. Kúndiz +10…+15, túnde 0…+5 gradýs bolady.
Atyraý oblysynda jaýyn-shashyn kútilmeidi. Kúndiz +18…+23, túnde +5…+10 gradýs bolady.
Mańǵystaý oblysynda da jaýyn-shashyn bolmaidy. Kúndiz +21…+26, túnde +10…+15 gradýs bolady.
Aqtóbe oblysynda jaýyn-shashynsyz. Kúndiz +7…+12, túnde 0…+5 gradýs bolady.
Qostanai oblysynyń shyǵysynda, soltústiginde jáne batysynda túnde jańbyr men qar jaýady. Kúndiz +5…+10, túnde -1…-6 gradýs bolady.
Soltústik Qazaqstan oblysynda túnde óńirdiń barlyq aýmaǵynda, kúndiz batysynda, soltústigi men shyǵysynda jańbyr men qar jaýady. Aýa temperatýrasy kúndiz +2…+7, túnde 0…+5 gradýs bolady.
Pavlodar oblysynda jańbyr men qar jaýady. Kúndiz jáne túnde +2…+7 gradýs bolady.
Abai oblysynyń batysy men soltústiginde túnde, soltústiginde, shyǵysy men ortalyǵynda kúndiz jańbyr men qar jaýady. Kúndiz +9…+14, túnde +4…+9 gradýs bolady.
Shyǵys Qazaqstan oblysynyń batysy men soltústiginde kúndiz jańbyr jaýady. Shyǵystaǵy taýly aýdandarda jańbyr men qar kútiledi. Aýa temperatýrasy kúndiz +7…+12, túnde +1…+6 gradýs bolady.
Qyzylorda oblysynda jaýyn-shashynsyz. Kúndiz +15…+20, túnde 0…+5 gradýs bolady.
Túrkistan oblysynda jaýyn-shashyn kútilmeidi. Kúndiz +19…+24, túnde +6…+11 gradýs bolady.
Jambyl oblysynda jaýyn-shashynsyz. Kúndiz +18…+23, túnde +2…+7 gradýs bolady.
Almaty oblysynda jaýyn-shashyn kútilmeidi. Kúndiz +16…+21, túnde +1…+6 gradýs bolady.
Jetisý oblysynda jaýyn-shashynsyz. Kúndiz +15…+20, túnde -2…-7 gradýs bolady.
Budan bólek, Jetisý oblysynda jáne Jambyl oblysynyń batysy men shyǵysynda túnde -2…-7 gradýs úsik júredi. Qyzylorda oblysynyń shyǵysynda topyraq betinde -2 gradýs úsik kútiledi.
Atyraý oblysynda, Mańǵystaý oblysynyń ortalyǵynda, Batys Qazaqstan oblysynyń batysy, ońtústigi men shyǵysynda, Aqtóbe oblysynyń shyǵysynda, Qyzylorda oblysynyń soltústiginde, Qostanai oblysynyń ońtústiginde jáne Túrkistan oblysynyń batysy men soltústiginde órt qaýpi joǵary bolady.
Qyzylorda oblysynda, Aqtóbe oblysynyń batysy, ońtústigi men ortalyǵynda, Atyraý oblysynyń soltústigi, ońtústigi men shyǵysynda, Qaraǵandy oblysynyń batysynda, Ulytaý oblysynyń batysy men ortalyǵynda jáne Jetisý oblysynyń shyǵysynda órt qaýpi tótenshe deńgeige jetedi.
«Aldaǵy táýlikte jaýyn-shashyn boljamyna bailanysty respýblikanyń ońtústik-shyǵysyndaǵy jáne shyǵysyndaǵy taýly ózenderde sý deńgeiiniń qubylýy kútiledi», – dep eskertti sinoptikter.
