Daý týdyrǵan tort isi boiynsha sot otyrysynda taraptardyń jaryssózi ótti, dep habarlaidy Dalanews.kz.
Tómende jaýapker taraptyń sózinen úzindiler keltirilgen:
«Bul – qoǵamdy adastyrý áreketi»
«Sotta aitylyp jatqannyń bári – qoǵamdyq pikirge áser etýge baǵyttalǵan manipýliatsiia».
Jaýapkerdiń ókili taraptyń ustanymyna sáikes, usynylǵan «atqarylǵan jumystar aktileri» shyndyqqa sáikes kelmeidi.
«Ol ónimderdi satyp alǵan joq, meiramhanadaǵy azyq-túlikti paidalanǵan».
«Internettegi shabýyl jáne dálelsiz talaptar»
«Talapker men onyń ókilderi internet keńistiginde júieli túrde travlia júrgizdi».
Sondai-aq jaýapker tarap 1 million 700 myń teńge kólemindegi «zańgerlik qyzmet aqysy» eshbir qujatpen dáleldenbegenin atap ótti.
«Ar-namys qunyn ózi de dáleldei almady»
«Óz ar-namysyn 1 million teńgege baǵalaǵany – eshqandai kelisimshart bolmaǵanyn dáleldep tur».
Jaýapkerdiń aitýynsha, bul iste kimniń jábirlenýshi, al kimniń shabýylshy ekeni – ashyq suraq.
«Kim bul iste qurban, kim agressor, kim shyn máninde moraldyq ári materialdyq zardap shekti – bul úlken suraq».
«Asel Batyrbekova torttyń aqysyn tóleýden bas tartqan joq»
«Asel Batyrbekova eshqashan torttyń aqysyn tóleýden bas tartqan emes. Ol tek baǵanyń negizdemesin surap, 300 myń teńge tólegen».
«Balalardyń sýretterin kórsetý – zań buzýshylyq»
«Jaýapkerdiń kámeletke tolmaǵan balalaryn kórsetý – bul zań buzýshylyq».
Sóz sońynda jaýapker tarap sottan talapkerdiń talabyn tolyq kólemde qanaǵattandyrmaýdy surady.
«Men olardyń talaptaryn tolyǵymen qanaǵattandyrýdan bas tartýdy suraimyn».
Tort isi boiynsha sot sheshimi 28 qazanda shyǵady.
