Дау тудырған торт ісі бойынша сот отырысында тараптардың жарыссөзі өтті, деп хабарлайды Dalanews.kz.

Төменде жауапкер тараптың сөзінен үзінділер келтірілген:

«Бұл – қоғамды адастыру әрекеті»

«Сотта айтылып жатқанның бәрі – қоғамдық пікірге әсер етуге бағытталған манипуляция».

Жауапкердің өкілі тараптың ұстанымына сәйкес, ұсынылған «атқарылған жұмыстар актілері» шындыққа сәйкес келмейді.

«Ол өнімдерді сатып алған жоқ, мейрамханадағы азық-түлікті пайдаланған».

«Интернеттегі шабуыл және дәлелсіз талаптар»

«Талапкер мен оның өкілдері интернет кеңістігінде жүйелі түрде травля жүргізді».

Сондай-ақ жауапкер тарап 1 миллион 700 мың теңге көлеміндегі «заңгерлік қызмет ақысы» ешбір құжатпен дәлелденбегенін атап өтті.

«Ар-намыс құнын өзі де дәлелдей алмады»

«Өз ар-намысын 1 миллион теңгеге бағалағаны – ешқандай келісімшарт болмағанын дәлелдеп тұр».

Жауапкердің айтуынша, бұл істе кімнің жәбірленуші, ал кімнің шабуылшы екені – ашық сұрақ.

«Кім бұл істе құрбан, кім агрессор, кім шын мәнінде моральдық әрі материалдық зардап шекті – бұл үлкен сұрақ».

«Асель Батырбекова торттың ақысын төлеуден бас тартқан жоқ»

«Асель Батырбекова ешқашан торттың ақысын төлеуден бас тартқан емес. Ол тек бағаның негіздемесін сұрап, 300 мың теңге төлеген».

«Балалардың суреттерін көрсету – заң бұзушылық»

«Жауапкердің кәмелетке толмаған балаларын көрсету – бұл заң бұзушылық».

Сөз соңында жауапкер тарап соттан талапкердің талабын толық көлемде қанағаттандырмауды сұрады.

«Мен олардың талаптарын толығымен қанағаттандырудан бас тартуды сұраймын».

Торт ісі бойынша сот шешімі 28 қазанда шығады.