Jańaózende politsiia qyzmetkerleri áleýmettik jelilerde mektep oqýshylarynyń qatysýymen bolǵan qatygez tóbelestiń videosy taraǵannan keiin ákimshilik tergeý júrgizip jatyr dep habarlaidy Dalanews.kz.
Mańǵystaý oblysynyń bilim basqarmasy habarlaǵandai, oqiǵaǵa bailanysty arnaiy komissiia quryldy.
«Oqiǵa sabaq ýaqytynan tys ýaqytta bolǵan. Qazirgi tańda Jańaózen qalalyq politsiia basqarmasy ákimshilik is qozǵady», — delingen habarlamada.
Basqarma málimetinshe, kámeletke tolmaǵandardyń ata-analary Ákimshilik quqyq buzýshylyq týraly kodekstiń 127-babyna sáikes ákimshilik jaýapkershilikke tartylǵan.
Budan bólek, bul másele Jańaózen qalasy ákimdigi janyndaǵy kámeletke tolmaǵandardyń isteri jáne olardyń quqyqtaryn qorǵaý jónindegi komissiia otyrysynda qaralady.
«Osyǵan bailanysty jaýapty tulǵalarǵa tártiptik sharalar qoldanylatyn bolady. Jaǵdai Mańǵystaý oblysynyń bilim basqarmasynyń erekshe baqylaýynda tur», — dep habarlady vedomstvo.
