Shyǵys Qazaqstanda 5 avtojol jobasy júzege asady
«Ortalyq – Shyǵys» dálizin qaita qurý jalpy uzyndyǵy 161 shaqyrym quraityn «Omby – Maiqapshaǵai», «Taskesken – Baqty», «Óskemen – Zyrian – Úlken Naryn – Katonqaraǵai – Rahman qainary» baǵytyndaǵy avtojoldaryn jóndeýge múmkindik berip otyr.
Sondai-aq, aǵymdaǵy jyly sheteldik investitsiia esebinen respýblikalyq mańyzdaǵy «Óskemen – Almaty» jáne «Qalbataý – Maiqapshaǵai» avtokólik joldaryn qaita jańartýdy bastaý josparlanýda. Onyń nátijesinde, joldar deńgeii II-tehnikalyq sanatqa aýystyrylady. Oblys ákimi aimaqtaǵy osy jobalardy iske asyrý Elbasy Joldaýynyń tórtinshi baǵyty aiasynda júzege asyrylatynyn atap ótti.
– Respýblikalyq mańyzy bar joldardy jóndeý Reseidiń Sibir oblysynan Qazaqstan arqyly Qytaidyń ShUAR degen provintsiiasyna qysqa jol ashýǵa múmkindik beredi. Osylaisha, bizdiń aimaqta Prezidentimizdiń barlyq tapsyrmalary naqty júzege asyrylatynyn zor senimmen aita alamyz, – dedi Danial Ahmetov. – Oblys úshin asa mańyzdy jobalardyń oryndalýyn qamtamasyz etý úshin jolaýshylar kóligi jáne avtokólik joldary basqarmasyna baqylaýdy buiyramyn. Avtokólik joldarynyń 70-85% úlesiniń jaǵdaiyn jaqsartýdy tapsyramyn.
2018 jyly respýblikalyq mańyzy bar joldardyń 138 shaqyrym aýmaǵyn ortasha jóndeý josparlanǵan. Budan bólek, Qazaqstan – Resei shekarasyndaǵy «Aýyl» jáne «Ýba» baqylaý-ótkizý pýnktterinde qosymsha jolaqtardyń qurylysy josparlanǵan. Bul osy núktelerdiń tranzittik áleýetin arttyrýǵa múmkindik beredi. Jalpy aldaǵy tańda respýblikalyq mańyzy bar 3,414 shaqyrym jol jóndeýden ótedi.
Aita keteiik, ShQO Respýblikadaǵy jalpy qoldanystaǵy joldardyń eń úlken bóligi, iaǵni 11 494.5 shaqyrymy basyp ótedi.
ShQO ákiminiń baspasóz qyzmeti
https://dalanews.kz/33926
